Júrek kózi ashylǵan adamdar ómirden qaı ýaqytta ketetinin de aldymen ańǵarady. Balalarynyń qazasymen órilgen tolassyz tragedııa hakim júregin ábden taldyrdy. Derekterge súıensek, Abaı da ómiriniń sońǵy saǵattary soǵyp jatqanyn kelinine jetkizgen eken.
Bul týraly Muhtar Áýezov jazady: «О́z qolynda sońǵy jyldarda bolyp, Abaıdy ózi kútken Kámálııa (Kámásh) degen kelinine Abaı qaıtys bolarynan buryn: «Men bıyl óledi ekem» dep ishki túısigin tuspaldaǵan eken». Abaıtanýshy Asan Omarov hakim bul sózdi Maǵaýııa qazasynan buryn aıtqanyn jetkizedi. Osylaısha, «Qaıǵysyzdyń bári asaý» degen aqynnyń qaıaý kóńili tylsym ajaldy sezgen bolsa kerek.