Bıliktiń bedeli tómendemeýi tıis

«Bizge Memlekettik qyzmet týra­ly jańa zań­dy ázirleý, sybaılas jem­qorlyqqa qarsy kúres týraly Zań­ǵa ózgerister engizý qajet bolady. Memleketke qyzmet etý bizdiń qoǵa­mymyzdyń birligin nyǵaıtý úshin negiz bolýy tıis. Memlekettik qyzmet et­nos­tyq qa­tystylyǵyna qaramastan, merıtokratııa qaǵıdattary negizinde ózin ózi kórsetýge bir­deı múmkindikter beretin ádi­letti qazaqstandyq qoǵamnyń túpbeınesine aınalýy kerek». Elbasy N. Nazarbaev «Nur Otan» partııasynyń XVI sezinde barlyq deńgeıdegi mem­lekettik qyzmetkerlerdi tolyq at­tes­­tasııadan ótkizip, merıtokratııa qaǵıdattaryn qorǵaý men jemqorlyqqa jol bermeýdiń júıesin qalyptastyrý kerek ekenin basa aıtty. Shynynda sybaılas jem­qorlyq mem­lekettiń básekege qabilettiligin tómen­de­­tip, qo­ǵam­da demokratııalyq qaıta qu­rý­­lardy júzege asyrýdy­ tejeıtini, eldiń halyqaralyq bede­line kóleńke túsiretini belgili. Halyq­aralyq táji­rıbege kelsek, memlekettik qyz­met jáne sybaılas jem­­qorlyq bir-birimen múlde syı­yspaı­tyn tú­sinikter. О́ki­nish­ke qaraı aramyzda muny túsinbeı júrgen azamattar da joq emes. Solardyń sybaılas jem­qorlyq is-áreketteriniń saldarynan túrli ıgi­likter zańsyz alynyp, nátıjesinde qoǵam múddelerine nuqsan keltiriledi jáne memlekettik bıliktiń bedeli tómendeıdi. Osy baǵytta arnaıy zańdylyq aktilerdi qabyldaý, jaýapkershilikti qatańdatý, sybaılas jemqorlyq áreketterdi jasaýǵa múmkindik kózderin barynsha azaıtý sııaqty is-sharalar júıesi jasalynyp jatyr. Elbasy N. Nazarbaevtyń mem­le­kettik qyzmetshilerdi to­lyq attestasııadan ótkizý má­se­lesi memlekettik bılik apparatyndaǵy biliktiligi tómen qyzmetkerlerdi anyqtap, kadr sapasyn jaqsartýǵa oń septigin tıgizýge múm­kindik beredi. Me­rı­tokratııa qa­ǵı­­dattaryn qoldaný arqyly mem­le­­kettik qyzmetshilerdiń qatary bá­se­kege qabiletti, basqarýshylyq oı­­laýǵa daǵdylanǵan mamandar­men­ tolyqtyrylady. Iаǵnı, el­ tur­ǵyndaryna sapaly qyz­met­ usy­ny­lyp, memlekettik qyz­met­te kásibı bilikti, óz isi­ne asqan jaýap­kershilikpen qa­­raıtyn adal azamattar jumys is­teıtin bolady. Sonymen qatar, sheneýniktermen mem­lekettik qyzmet alýshylardyń qarym-qatynasyn azaıtý úshin, halyqqa qyzmet kórsetý ortalyqtarynda kórsetiletin qyzmet­terdiń úlesin arttyrý jáne bir­qa­tar qujattardy elektrondy portal arqyly alý múmkindikterin keńeıtý qarastyrylatyn bolady. Sybaılas jemqorlyqtyń aldyn alýdyń pármendi tetigi – qoǵamdyq ba­­qylaý. Mem­lekettiń sybaılas jem­qorlyqqa qarsy saıasatynyń tıim­diligi, birinshi kezekte, sot tóreliginiń minsiz júıesin qamtamasyz etýge baılanysty. Sot júıesine degen senimdi arttyrý, sot tóre­li­giniń sapasyn jaqsartý úshin sot qyzmetindegi sybaılas jem­qorlyqty boldyrmaý, onyń ishinde sýdıalyqqa úmitker tul­ǵalarǵa qoıylatyn talap­tardy qatańdatý arqyly júzege asy­rylatyn bolady. Bul jó­ninde Elbasy «Nur Otan» partııa­synyń soń­ǵy sezinde óte ótkir aıtty. Memleket pen qoǵamnyń ty­ǵyz serik­testigi ǵana sybaı­las­ jemqorlyqqa tabys­ty qarsy tu­rýǵa múmkindik be­re­di. Qoǵamnyń qoldaýynsyz joǵarydan júrgizilip jatqan sybaılas jemqorlyqqa qarsy sharalar tek ishinara nátıje beretini sózsiz. Sybaılas jem­qorlyqqa qar­sy mádenıetti qalyptastyrýda ós­keleń urpaq­pen jumys qaǵıdatty mańyzdy ról atqarady. Tek jas kezinen minez-qulyqtyń sybaılas­ jemqorlyqqa qarsy standarttaryn engizý, bul áleýmettik zulymdyqty joıýǵa múmkindik beredi. Sybaılas jemqorlyqty ulttyq mádenıetke jat quby­lys retinde seziný jáne qabyl­damaý – qoǵamymyzdyń sybaı­las jemqorlyqqa qarsy mádenıetiniń negizi bolýy tı­is.­ Korrýpsııamen kúres baǵy­tyndaǵy eń mańyzdy másele – jem­qorlyqtyń aldyn alý. Bul jumystyń neden quralyp, onyń nátıjesiniń qandaı bolatynyn jete túsine otyryp, qaı baǵytta jumys júrgizetinimizdi bilýimiz qajet. Elbasynyń bul salaǵa tyń serpin berýi jáne birlesken ju­mystarymyzdyń baǵyty jemqorlyqqa múldem tózbeýshiliktiń jaǵ­daıyn qalyptastyrady dep senemin. Sondaı-aq, Elbasynyń «Nur­ly Jol»­ Joldaýy memleket pen qoǵamnyń stra­tegııalyq damýynyń baǵdarshamy ári bul jan-jaqty oılastyrylǵan naqty is-áre­ketter jos­pary bolyp tabylady. Je­tistigimizdi saralap, keleshegimizdi baǵ­dar­laýǵa, eń bastysy barshamyzǵa ortaq uly maqsatqa jetýdiń durys jolyn birlese aıqyn­daýymyzǵa baǵyttalady. Qa­jyr­ly eńbekti qajet etetin, ke­le­shegi kemel Nurly Jolda bir­ligimizdi bekemdep, aıanbaı ter tógýimiz kerek. Maqsat QOJABAEV,  Memlekettik qyzmet  isteri jáne sybaılas jemqorlyqqa qarsy is-qımyl agenttigi Jambyl oblysy boıynsha departamentiniń basshysy. Jambyl oblysy.