DAR Team komandasynyń jattyqtyrýshysy Edýard Bazrov qazaqstandyq UFC jekpe-jekshisi Shavkat Rahmonovtyń (19-0) kelesi jekpe-jegine qatysty pikir bildirdi, dep habarlaıdy Egemen.kz.
– Shavkattyń kelesi jekpe-jegi týraly naqty eshteńe aıta almaımyz. Árıne, bıyl-aq sharshy alańǵa shyqqymyz keledi, biraq qazir Shavkattyń jaǵdaıy belgili. Dál ýaqytyn aıta almaımyn. Qazir jattyǵýlardy bir kúnde bir ret ótkizip júrmiz. Degenmen, jekpe-jekke qatysty naqty jaýap joq, – dedi Bazrov Betonmobile basylymyna bergen suhbatynda.
Sonymen qatar, ol Rahmonovtyń reseılik Islam Mahachev (27-1) pen dıvızıon chempıony avstralııalyq Djek Della Maddalena (18-2) arasyndaǵy tıtýldyq jekpe-jekte qosalqy boksshy retinde qatysý múmkindigine de toqtaldy.
– Islam Mahachev pen Djek Maddalena arasyndaǵy tıtýldyq jekpe-jekte qosalqy boksshy bolýymyz ekitalaı. Biz, bálkim, bul usynysqa kelispeımiz. Taǵy da qaıtalap aıtamyn, barlyǵyna belgili belgili bir máseleler bar. Qazir sol kezeńnen ótip jatyrmyz, – dep atap ótti ol.
Eske sala keteıik, bıylǵy 27 shildede Shavkat Rahmonovtyń jubaıy men uly Almaty – Ekaterınbýrg tas jolynda jol apatyna tústi. Toyota Land Cruiser 200 júrgizýshisi rólge ıe bola almaı, kólik aýdarylyp ketken. Oqıǵa saldarynan eki áıel qaza tapty.