Erteń fýtboldan elimizdiń ulttyq quramasy oqý-jattyǵý jıynyn bastaıdy, dep habarlaıdy Egemen.kz.
4 qyrkúıekte óz alańymyzda Ýelske, al 7 qyrkúıekte syrtta Belgııa ulttyq quramasyna qarsy tartysqa túsedi. Ulttyq quramanyń bas bapkeri Álı Álıev kelesi jyly ótetin álem chempıonatynyń irikteý aıasyndaǵy matchtarǵa shaqyrtý alǵan fýtbolshylardy elordaǵa jınady.
Bas bapker mańyzdy oıyndarǵa kimderdi shaqyrdy? Qaqpashylar: Muhammedjan Seısen («Astana»), Temirlan Anarbekov («Qaırat»), Bekhan Shaızada («Ordabasy»);
Qorǵaýshylar: Álibek Qasym, («Aqtóbe»), Iаn Vorogovskıı («Astana»), Nuraly Álip («Zenıt», Reseı), Naýryzbek Jagorov («Tobyl»), Erkin Tapalov («Qaırat»), Sergeı Malyı, Ular Jaksybaev, Sultanbek Astanov (úsheýi de – «Ordabasy»);
Jartylaı qorǵaýshylar: Islam Chesnokov («Tobyl»), Baqtıer Zaınýtdınov («Dınamo Máskeý», Reseı), Ramazan Orazov, Almas Tólibaı, Ǵalymjan Kenjebek (úsheýi de – «Elimaı»), Dáýren Jumat, Serikjan Mýjıkov (ekeýi de – «Oqjetpes»), Dinmuhamed Qaraman («Jeńis»), Baǵdat Qaıyrov («Aqtóbe»), Damır Qasabolat («Qaırat»);
Shabýylshylar: Oralhan О́mirtaev («Aqtóbe»), Maksım Samorodov («Ahmat», Reseı), Dastan Sátbaev («Qaırat»), Ivan Svırıdov («Elimaı»).
4 qyrkúıekte Ýelske qarsy match «Astana Arenada» stadıonynda elorda ýaqytymen 19:00-de bastalady.
Ulttyq quramanyń qaqpasyn kim qorǵaýy múmkin degen saýal da jıi kóterilýde. Onyń ózindik sebebi de bar. Almatynyń «Qaırat» fýtbol klýby seısenbiden sársenbige aýǵan túnde ÝEFA Chempıondar lıagasynyń toptyq kezeńine shyqty. Shotlandııanyń «Seltık» klýbyn penaltı serııasynda jeńdi. Osy tartyspen ótken matchta «Qaırat» qaqpashysy Temirlan Anarbekov úsh birdeı penaltıdi qaıtaryp, sheberligimen kózge tústi. Demek, ulttyq quramanyń qaqpashylaryn baptaıtyn bapkerleri Anarbekovke de senim artyp, alańǵa negizgi quramda shyǵaryp qalýy da ǵajap emes.
Álemdik mýndıalǵa irikteý kezeńin J tobynda Belgııa, Ýels, Soltústik Makedonııa, Lıhtenshteın syndy komandalaryna qarsy oınaıtyn ulttyq qurama fýtbolshylary ázirge 3 upaı oljalap, 4-satyda tur.