PETROPAVL. 20 naýryz. О́ńir basshysy Erik Sultanov el Prezıdentiniń Jarlyǵymen belgilengen “1941-1945 jyldardaǵy Uly Otan soǵysyndaǵy Jeńiske 70 jyl” biryńǵaı merekelik medalin bir top soǵys ardagerleri men tyl eńbekkerlerine saltanatty jaǵdaıda tapsyrdy. Bul týraly ákimdiktiń baspasóz qyzmeti habarlady.
Ulystyń uly kúni merekesi qarsańyndaǵy kezdesýge kóterińki kóńil kúımen kelgen ardagerler aldynda sóz sóılegen oblys ákimi:
– Uly Otan soǵysyndaǵy aǵa urpaqtyń óshpes erligi tarıhta máńgi saqtalady. Búgin, biz, Sizderge, soǵys ardagerleri men tyl eńbekkerlerine, asqan erlikterińiz, qaharmandyqtaryńyz ben jan aıamas qaısarlyqtaryńyz úshin qurmet kórsete otyryp, Uly Jeńistiń 70 jyldyǵyna arnalǵan merekelik medaldardy tapsyrǵaly otyrmyz, – dedi.
Zal tórine shaqyrylǵan 27 ardagerdiń árqaısysyna merekelik medaldardy óńir basshysy Elbasy atynan tapsyrdy. Merekelik medal alǵandardyń qatarynda soǵys ardagerleri Sergeı Presnıakov, Anatolıı Gershýnov, Stepan Bashkırov, Vladımır Dıadyk, tyl eńbekkerleri Álimjan Májıtov, Eskendir Nurymov, Jaqsylyq Ysqaqov, Tatıana Aleshına jáne taǵy basqalary boldy.
Marapattalǵandar atynan sóz alǵan Jaqsylyq Ysqaqov pen Aleksandr Selıshev ózderiniń el basyna qater tóngen kezde Otan úshin qan tókken, tylda aıanbaı eńbek etken erlik isteri men eńbekterin baǵalap, qurmet kórsetip otyrǵany úshin Memleket Basshysyna alǵystaryn jetkizdi.
О́mir Esqalı.
Derek: Soltústik Qazaqstan oblysy ákimdiginiń baspasóz qyzmeti.
Sýret: Soltústik Qazaqstan oblysy ákimdiginiń baspasóz qyzmeti.