ASTANA. 20 naýryz. Búgin Aqordada Qazaqstan Respýblıkasynyń Prezıdenti Nursultan Nazarbaevtyń, Belarýs Respýblıkasynyń Prezıdenti Aleksandr Lýkashenkonyń jáne Reseı Federasııasynyń Prezıdenti Vladımır Pýtınniń kezdesýi bolyp ótti. Bul týraly Aqorda baspasóz qyzmetiniń deregine súıengen egemen.kz tilshisi habarlady.
Memleketter basshylary ózara saýdany jáne úsh eldiń ekonomıkalyq ózara yqpaldastyǵyn arttyrý máselelerin qarastyrdy. Budan bólek, Prezıdentter álemdik ekonomıkadaǵy úrdisterdiń damýyn, sondaı-aq Ýkraınadaǵy jaǵdaıdy talqylady.
Nursultan Nazarbaev daǵdarys kórinisteri turǵysynan álemdegi qazirgi ahýaldy talqylaý úshin bul kezdesýdiń mańyzdylyǵyn atap ótti.
«2007-2009 jyldardaǵy daǵdarys jahandyq sıpatta bolǵan edi, al qazirgisi óńirlik baǵyt alyp otyr jáne energııa resýrstary men biz óndirip jatqan taýarlar baǵasynyń tómendeýinen týyndady. Biz mundaı qaterdiń bolaryn boljadyq, endigi mindetimiz – birlesken sharalar ázirlep, osy kezeńnen sátimen ótip shyǵý», – dedi Qazaqstan Prezıdenti.
Memleket basshysy sondaı-aq ózge elderge de áserin tıgizip otyrǵan Ýkraına daǵdarysyna qatysty pikir almasý qajettigine toqtaldy.
Qazaqstan Prezıdenti baǵyt-baǵdardy ózara úılestirip, perspektıvaly máselelerdi talqylap otyrý úshin jıi jáne turaqty kezdesýler ótkizýdiń mańyzdylyǵyna nazar aýdardy.
Belarýs jáne Reseı prezıdentteri Nursultan Nazarbaevqa Astanaǵa shaqyryp, kózdelgen máselelerdi talqylaýǵa múmkindik jasaǵany úshin alǵys bildirdi.
Sáken Maılybaı.