Elimizde 2 mln 503 myń adam bazalyq jáne yntymaqty zeınetaqy alady, dep habarlaıdy Egemen.kz.
Jyl basynan beri zeınetkerlerge respýblıkalyq bıýdjetten 2 trln 804,4 mlrd teńge somasyna zeınetaqy tólengen. Onyń ishinde bazalyq zeınetaqy tóleýge – 907,4 mlrd teńge, yntymaqty zeınetaqy tóleýge – 1 trln 897 mlrd teńge qarastyryldy.
Eńbek jáne halyqty áleýmettik qorǵaý mınıstrliginiń málimetinshe, 2025 jylǵy 1 qyrkúıektegi jaǵdaı boıynsha respýblıkalyq bıýdjetten tólenetin jıyntyq zeınetaqynyń ortasha mólsheri 142 894 teńgege jetken. Onyń ishinde yntymaqty zeınetaqy mólsheri – 95 326 teńge, bazalyq zeınetaqy – 47 568 teńge boldy.
2025 jylǵy 1 qańtarda bazalyq zeınetaqy tóleminiń mólsheri Ulttyq Banki aıqyndaıtyn ınflıasııanyń boljamdy deńgeıine sáıkes 6,5%-ǵa, yntymaqty zeınetaqy 8,5%-ǵa, ıaǵnı ınflıasııa deńgeıinen 2% - ǵa joǵary.
Memleket basshysynyń tapsyrmasyna sáıkes 2023 jyldan bastap bes jyl ishinde eń tómen bazalyq zeınetaqyny eń tómen kúnkóris deńgeıiniń 70%-na deıin, eń joǵary – 120%-ǵa deıin jyl saıyn kezeń-kezeńimen arttyrý júzege asyrylady.
Máselen, 2025 jylǵy 1 qańtardan bastap bazalyq zeınetaqynyń eń tómen mólsheri eń tómen kúnkóris deńgeıiniń 65%-nan 70%-ǵa deıin ulǵaıtyldy. Bul 32 360 teńgeni qurap, onyń eń joǵary mólsheri eń tómen kúnkóris deńgeıinen 105-ten 110%-ǵa deıin arttyrylyp, 50 851 teńgege jetti.