Qazaqstanda jumysshy mamandyqtar jyly aıasynda avtojol salasyna arnalǵan jańa sıfrlyq platforma – «JOLSHY» júıesi óz jumysyn bastady, dep habarlaıdy Egemen.kz.
Kólik mınıstrliginiń bastamasymen Qazaqstan jol ǵylymı-zertteý ınstıtýty ázirlegen derekqordyń basty maqsaty – kadr tapshylyǵyn azaıtý jáne saladaǵy basqarý úderisin barynsha ashyq etý.
Mınıstrliktiń málimetinshe, júıede stýdentter, túlekter, ınjenerler men sala mamandary týraly tolyq málimet jınaqtalady. Olardyń bilimi, tájirıbesi, eńbek ótili men biliktilikti arttyrý kýrstarynan ótýi jónindegi aqparat ta tirkeledi. Qazirdiń ózinde derekqorda eki myńnan astam paıdalanýshy bar. Bul múmkindik jumys berýshilerge úmitkerdiń kásibı profılin kórýge jol ashsa, stýdentter úshin tájirıbe men jumysqa ornalasý múmkindigin keńeıtedi.
«2025 jylǵy 1 qyrkúıekten bastap jol salasy qyzmetkerleri úshin biliktilikti mindetti túrde arttyrý talaby engiziledi. Bul úderis te «JOLSHY» arqyly tirkeledi. Jaqyn arada derekqor «e-License» jáne «Enbek.kz» júıelerimen biriktirilmek. Osylaısha, «JOLSHY» memlekettik saıasattyń tıimdi quralyna aınalyp, kadr tapshylyǵyn joıýǵa, ashyqtyqty arttyrýǵa jáne avtojol salasy mamandarynyń kásibı ósýine jaǵdaı jasaıdy», delingen habarlamada.