Abaı oblysynda «Taza Qazaqstan» ekologııalyq aksııasy aıasynda polısııa departamenti, etno-mádenı birlestikter men úkimettik emes uıymdardyń ókilderi, jas belsendiler birigip, qala shetindegi «Semeı – Astana» tasjoly boıyn qoqystan tazartty.
Tazalyq sharasyna shyqqan azamattar qorshaǵan ortany qorǵaýǵa úles qosyp, ekologııalyq mádenıetti qalyptastyrýdyń jarqyn úlgisin kórsetti.
– «Taza Qazaqstan» ekologııalyq aksııasy – Memleket basshysynyń bastamasymen júzege asyp jatqan ıgi isterdiń biri. Búgingi aksııaǵa 50-den asa adam qatysyp, belsendilik tanytty. Qala tazalyǵy – ortaq mindetimiz. Barsha turǵyndardy tabıǵatty aıalaýǵa, osyndaı is-sharalarǵa belsene qatysýǵa shaqyramyz, – dedi «Shyǵys jastary» qoǵamdyq qorynyń atqarýshy dırektory Álibı Ábdiraıymov.
О́ńirde búkilhalyqtyq aksııaǵa jyl basynan beri 282 381 adam, onyń ishinde 13 585 uıym men mekeme ókilderi qatysty. Jumysqa 8 558 tehnıka jumyldyryldy. Nátıjesinde, 157 072 aýla tazalanyp, 49 467 tonna qatty turmystyq qaldyqtar qoqys polıgondaryna shyǵaryldy. 2 443 saıabaq pen gúlzar tazartylyp, 1 001 eskertkishtiń aınalasy abattandyryldy, 10 285 sharshy metr tasjol jóndeldi. 50 201 kóshet, 7 883 shybyq otyrǵyzyldy. Senbilikter 16 811 áleýmettik, óndiristik nysandy, sondaı-aq 2 287 jasandy sý qoımasyn qamtydy. Ekologııalyq aksııa aldaǵy ýaqytta da jalǵasyn tabary sózsiz.
Abaı oblysy