Almaty oblysy ákiminiń ókimimen Ǵanı Aıdaruly Maılybaev 3 qazannan bastap atalǵan laýazymdy qyzmetke taǵaıyndaldy, dep habarlaıdy Egemen.kz.
Oblys ákimdiginiń málimetinshe Ǵanı Aıdaruly 1987 jyly týǵan. 2008 jyly Abaı atyndaǵy qazaq ulttyq pedagogıka ýnıversıtetin «qarjy» mamandyǵy, 2018 jyly Reseı Federasııasy Prezıdentiniń janyndaǵy Reseı halyq sharýashylyǵy jáne Memlekettik qyzmet akademııasyn «aımaqtyq jáne mýnısıpaldy basqarý» mamandyǵy boıynsha támamdaǵan, 2010 jyly Abaı atyndaǵy qazaq ulttyq pedagogıka ýnıversıtetinde «quqyq jáne ekonomıka negizderi» mamandyǵy boıynsha magıstr dárejesin alǵan.
Eńbek jolyn 2008 Almaty qalasy «Nur Otan» partııasy Bostandyq aýdandyq fılıalynyń esep jáne statıstıka sektorynyń meńgerýshisi bolyp bastaǵan.
Ár jyldary Almaty qalasy «Nur Otan» partııasy Alataý aýdandyq fılıalynyń zańger-konsýltanty, Medeý aýdandyq fılıaly tóraǵasynyń birinshi orynbasary, Almaty qalasy Medeý, Naýryzbaı aýdandary ákiminiń orynbasary, Jambyl oblysy týrızm basqarmasynyń basshysy laýazymdaryn atqarǵan.
2020 jyldyń jeltoqsan aıynan bastap Almaty qalasy mádenıet basqarmasynyń basshysy laýazymynda qyzmet etti.