24KZ táýlik boıǵy jańalyqtar telearnasynyń dırektory aýysty. Bul týraly Tengrinews.kz tilshisi habarlady.
«Men basqa jumysqa aýysamyn. Maǵan usynys jasaldy, men kelistim», - dedi telearnany ashylǵan ýaqytynan beri basqaryp kelgen Aleksandr Aksıýtıs. Biraq óziniń jańa qyzmet orny týraly aıtqan joq.
24KZ arnasynyń jańa basshysy Arman Seıitmamyt taǵaıyndaldy. Ol buǵan deıin telearnanyń shef-redaktory qyzmetin atqardy. Telekórermender ony Arman Baltabaıuly retinde biledi.
Aksıýtıstiń aıtýynsha, basshy aýysqannan keıin kúni-túni aqparat taratatyn telearnanyń saıasaty ózgermeıdi.
Eske sala kteıik, Qazaqstan tarıhyndaǵy kúni-túni jańalyq taratatyn tuńǵysh telearna - 24.KZ 2012 jyly ashylǵan edi. Arna «Habar» agenttigi» AQ qurylymyna kiredi. Telearna 2012 jyldyń 1 qyrkúıegine qaraǵan túni teleradıokeshen mańyndaǵy alańda alǵash ret resmı túrde tanystyryldy.
Murat Aıtqoja.