Memleket basshysy Qasym-Jomart Toqaev Parlamenttik reforma jónindegi Jumys tobynyń birinshi otyrysynda sóz sóıledi, dep habarlaıdy Egemen.kz Aqordanyń baspasóz qyzmetine silteme jasap.
«Búgin biz Parlamenttik reforma boıynsha Jumys tobynyń alǵashqy otyrysyna jınaldyq. О́zderińiz bilesizder, ótken aptada arnaıy Jumys tobyn qurý týraly О́kimge qol qoıdym. Parlamenttik reforma – elimizdiń aldynda turǵan asa mańyzdy, jaýapty jumys», dedi Prezıdent.
Memleket basshysy Joldaýda bul másele azamattyq sektorda, sarapshylar ortasynda, sondaı-aq qazirgi Parlamentte jan-jaqty talqylanýy qajet dep naqty aıtqanyn eske saldy.«Búgin, mine, birinshi otyrysymyzda Parlamenttiń, Prezıdent Ákimshiliginiń, Úkimettiń jáne saıası partııalardyń ókilderi, zańgerler, ǵalymdar, qoǵam qaıratkerleri bar. Bári de elge tanymal azamattar, túrli salanyń mamandary. Taǵy da qaıtalap aıtqym keledi: Parlamenttik reforma – elimizdiń, halqymyzdyń taǵdyryna tikeleı qatysy bar másele. Jumys tobynyń ár múshesi osy tarıhı mindetti durys túsinip, belsendi jumys isteıdi dep senemin», dedi Qasym-Jomart Toqaev.