Astana qalasynda jeńil relsti kólik (LRT) jelisin iske qosýǵa daıyndyq jumystary kezeń-kezeńimen júrgizilip jatyr. Sol jospardyń aıasynda qalaǵa taǵy eki jyljymaly quram jetkizildi, dep habarlaıdy Egemen.kz.
CTS kompanııasynyń málimetinshe, quramdardy ornatý jumystary 17-18 qazanda ótedi.
17 qazanda birinshi quram Qabanbaı batyr dańǵyly boıyndaǵy «Astana juldyzy» stellasy mańyndaǵy №104 jáne №105 stansııalar arasyndaǵy estakadaǵa ornatylady. Al 18 qazanda ekinshi quram Sh. Qaldaıaqov kóshesi men Táýelsizdik dańǵylynyń qıylysynda, №113 (Mınıstrlikter úıi) jáne №114 (Ulttyq mýzeı) stansııalar arasyndaǵy aralyqqa ornalastyrylady.
Sonymen qatar, 18 qazan saǵat 00:00-den 19 qazan saǵat 06:00-ge deıin atalǵan ýchaskelerde mamandandyrylǵan tehnıkany paıdalana otyryp, kóterý-montajdaý jumystary júrgiziledi. Osyǵan baılanysty Sh. Qaldaıaqov kóshesi men Táýelsizdik dańǵyly qıylysynda kólikterdiń qozǵalysy ýaqytsha shekteledi.