Qazaqstan jastar quramasy О́zbekstanǵa qarsy Tashkentte eki joldastyq kezdesý ótkizdi. Komandanyń aǵa jattyqtyrýshysy bul oıyndardy qorytyndylaı otyryp, óz qyzmetinen ketetinin málimdedi, dep habarlaıdy Egemen.kz Qazaqstan fýtbol federasııasynyń baspasóz qyzmetine silteme jasap.
«Biz Tashkentte О́zbekstan quramasymen eki joldastyq kezdesý ótkizdik. Mundaı múmkindik kezinde eki oıyndyq formatty tańdadyq, sebebi bizdiń jigitterge halyqaralyq tájirıbe qajet. Sonymen qatar quramnyń áleýetin tekserip, barlyq fýtbolshyǵa oıyn tájirıbesin bergimiz keldi», dedi bapker.
Alaıda qos kezdesý de sátsiz aıaqtaldy. Bapkerlik shtab oıynshylardyń kóńil-kúıine Andorradaǵy aýyr jeńilistiń áser etkenin baıqaǵan.
«Jigitter Andorradaǵy matchtan keıin О́zbekstanǵa qarsy alǵashqy oıynda jankúıerlerdi qýantqysy keldi. Biraq sońǵy mınýttarda gol jiberip, 0:1 esebimen utyldyq. Ekinshi oıynda qarqyn alyp, jyldam gol soqtyq, alaıda múmkindikterimizdi paıdalana almaı, taǵy da jeńilip qaldyq», dedi ol.
Ekinshi matchtan keıin jattyqtyrýshy kıim aýystyratyn bólmede komandaǵa óz sheshimin habarlaǵan.
«Oıynshylarǵa kásibıligi úshin alǵysymdy aıtyp, Eýropa chempıonatynyń irikteý týrnırine sáttilik jáne qazirgi jaǵdaıdyń tezirek ońalýyn tileımin», dedi burynǵy aǵa bapker.