«Atyraý» fýtbol klýbynyń bas menedjeri Dıdar Sydyqbek qyzmetinen ketkeni málim boldy. Ol bul qyzmetti naýryzdan beri atqaryp keldi, dep habarlaıdy Egemen.kz.
Fýtbol klýbynyń baspasóz qyzmeti bas menedjerdiń qyzmetinen ketkenin rastady.
«Dıdar Baqytbekuly óz erkimen qyzmettik laýazymyn bosatý týraly sheshim qabyldady. Ol qıyn kezeńde klýb tizginin ustap, ujymdy daǵdarystan sátti shyǵara bildi. «Atyraýdyń» ınfraqurylymyn túzetip, eń bastysy – komandany Qazaqstan Premer-lıgasynda qaldyrý mindetin abyroımen oryndap shyqty», dep habarlady klýtyń baspasóz qyzmeti.
Al Dıdar Sydyqbektiń aıtýynsha, óz erkimen qyzmetinen ketýine otbasylyq jaǵdaıy sebep bolǵan.