Zaýytta 1 500 adam jumys istemek. Jobaǵa shamamen 310 mln dollar ınvestısııa saldyq. Jergilikti ónimniń úlesin arttyryp, Qostanaıdyń tól óndirisin damytý maqsatynda Koreıadan arnaıy avtokomponent óndirýshilerdi aldyrttyq. Munyń syrtynda, «Glovis» logıstıkalyq kompanııasyn shaqyrdyq. Atalǵan kompanııa Qostanaı oblysy men Qazaqstannyń ekonomıkalyq damýyna edáýir yqpal etedi.
«Kia» zaýyty álemniń kóptegen elinde bar. Biraq buǵan deıin Ortalyq Azııada, tipti búkil Azııa kóleminde bizdiń birde-bir zaýyt bolǵan emes. Búgin Qostanaıda jergilikti naryqty qamtamasyz etý úshin Qazaqstan kóleminde satylatyn, sondaı-aq TMD elderine jáne alys shetelderge de eksportqa shyǵarylatyn zaýyt ashyp otyrmyz.
Osylaısha, bizdiń korporasııa Qostanaıda óz tarıhynyń jańa bir belesin bastaıdy. Bizde jumysshylardy Koreıadaǵy «Kia» zaýyttaryna taǵylymdamaǵa jiberý arqyly júzege asyrylatyn mamandardy damytý júıesi qalyptasqan. Mundaǵy jumysshylar tikeleı «Kia» mamandarynan tájirıbe alyp, joǵary tehnologııalyq úderisterdi meńgeredi. «Kia» shtab-páteri óz tarapynan tájirıbe almasý jáne qyzmetkerlerdiń biliktiligin arttyrý úshin kóptegen ınjenerdi Qostanaıdaǵy zaýytqa jiberip otyrady.
Zaýyt iske qosylyp, jappaı avtokólik shyǵarýdy bastady. Endi Qostanaı oblysynyń ákimdigi Indýstrııalyq aımaqta avtokomponent óndirisin damytatyn lokalızasııalyq ortalyq ashýǵa daıyndalyp jatyr. Mundaı aýqymdy jobadan «Kia» korporasııasy da shet qalmaıdy. Biz Koreı elinen kóptegen avtokomponent óndirýshini shaqyryp, osy jerde óz óndirisimizdi ashamyz. Bul jerde shyqqan ónimder «Kia Qazaqstan» zaýytyna jóneltiledi. Qajetti óndiristik deńgeıge jetý maqsatynda, sonymen qatar Qazaqstanda avtokomponentter óndirisin qolǵa alyp, lokalızasııany damytý baǵytynda el zańnamasyna sáıkes barlyq avtoóndirýshimen úılesimdi áriptestik qarym-qatynas ornatýdy josparlap otyrmyz.
Biz óndiristi «Sorento» modelinen bastaımyz. Al kelesi jyldyń qańtar aıynan bastap jańa «Sportage» modelin shyǵaramyz. 2026 jyly taǵy bir jańa avtokólik modelin shyǵarýdy josparlap otyrmyz.
Kım De Kı,
«Kia Qazaqstan» zaýytynyń bas dırektory