Gonkong (QHR) arnaıy ákimshilik aýdanynyń úkimeti janyndaǵy Invest Hong Kong ortalyǵynyń basshysy Alfa Laý Almatyda Gonkongtyń áleýetin Ortalyq Azııa naryǵyna shyǵý úshin tuǵyrnama retinde paıdalaný jónindegi jobanyń tusaýkeserin ótkizdi, dep jazady Egemen.kz.
Invest Hong Kong Gonkongta jeke qatysýdy arttyrýǵa, onyń ishinde bıznesti tirkeýge, bank shottaryn ashýǵa, jumys vızalaryn, qajetti lısenzııalar men ruqsattardy alýǵa, óndiristik jáne ofıstik alańdardy, turǵyn úıdi jalǵa alýǵa jáne jumys rejımindegi ózge de ózekti máselelerge múddeli kompanııalarǵa jan-jaqty qoldaý kórsetedi.
Alfa Laý Qazaqstannyń QHR men Gonkong SAR úshin senimdi ınvestısııalyq áriptes retinde ǵana emes, Ortalyq Azııa naryǵyna shyǵýǵa jol ashatyn strategııalyq hab retinde mańyzdy rólin atap ótti. Onyń aıtýynsha, kóptegen gonkongtyq kompanııalar, atap aıtqanda qarjy sektorynan Qazaqstanǵa joǵary qyzyǵýshylyq tanytýda. Gonkongtyń áleýetin Ońtústik Azııa naryqtaryna shyǵý úshin tuǵyrnama retinde paıdalanýdy qosa alǵanda, yntymaqtastyqty damytý eki tarap úshin de ózara tıimdi bolady.
Alfa Laýnyń aıtýynsha, byltyr Gonkongqa 45 mln adam kelgen. Aıta keteıik, onyń halqy 7,5 mln adamdy quraıdy."О́tken jyldyń sońynda Gonkongta negizgi kompanııalary Gonkongtan tys jerlerde ornalasqan 9960 uıym jumys istedi. «Bul negizgi kompanııalardyń ornalasýy jyldan jylǵa ózgermeıdi: bul qurlyqtyq Qytaı, Japonııa, AQSh, Ulybrıtanııa jáne Sıngapýr», deıdi baıandamashy.
Laý hanymnyń aıtýynsha, «Ortalyq Azııanyń úsh eli, Evrazııa qurlyǵynyń dál ortasynda ornalasqan, «Bir beldeý, bir jol» bastamasynyń mańyzdy ortalyqtary. «Olardyń baı tabıǵı resýrstary, jalǵasyp jatqan ekonomıkalyq reformalary men úlken naryqtyq áleýeti, qýatty ósýdiń serpinin qamtamasyz etedi», dep atap ótti Laý hanym.
Onyń aıtýynsha, Gonkongtyń senimdi quqyqtyq-normatıvtik bazasy, qarapaıym salyq rejımi Ortalyq Azııadaǵy ınfraqurylymdyq jáne developerlik jobalardy qarjylandyrýdyń ártaraptandyrylǵan arnalaryn qamtamasyz ete alady.
Gonkongtyń áleýetin Ońtústik Azııa naryqtaryna shyǵý úshin tuǵyrnama retinde paıdalanýdy qosa alǵanda, yntymaqtastyqty damytý eki tarap úshin de ózara tıimdi bolady. Sońǵy jyldary Gonkong pen Qazaqstan arasyndaǵy taýar aınalymynyń jalpy kóleminiń ósýi baıqaldy jáne ony odan ári ulǵaıtý úshin barlyq alǵysharttar bar.
Sonymen qatar, ol Almaty men Gonkong arasyndaǵy tikeleı áýe qatynasyn qalpyna keltirý boıynsha birlesken kúsh-jiger jumsaýǵa shaqyrdy.