Oblys ortalyǵy Qonaev qalasynyń ajaryn ashyp, kelbetin kelistirýge qalypty úles qosyp júrgen qurylysshylardyń biri – Qanat Aqylbekov. Aptal azamattyń qurylys salasynda eńbek etip kele jatqanyna jeti jylǵa jýyqtady. Osy ýaqyt aralyǵynda mamandyǵyna degen qyzyǵýshylyǵy artpasa, kemigen emes.
«Qurylysshy bolý – tózimdilik pen eptilikti, jaýapkershilikti qajet etedi. О́ıtkeni óz qolyńmen jasaǵan ár istiń sapaly bolýy mańyzdy. Sondaı-aq qurylys ýaqytty utymdy paıdalanýǵa úıretedi. Eńbek adamynyń bo-ıyna osy qasıetter toǵyssa, onda bastaǵan is te nátıjeli ári sapaly aıaqtalyp, kóptiń alǵysyn arqalaıdy. Eseli eńbektiń óteýi, ol – halyqtyń rızashylyǵy, aqjarma alǵysy», deıdi bilikti qurylysshy Q.Aqylbekov.
Batys Qazaqstan oblysy Terekti aýdany Aqjaıyq aýylynda dúnıege kelgen ol, qazirde Qonaev qalasyndaǵy turǵynúı keshenderiniń salynýyna súbeli úles qosyp keledi. Bala kezden qolyna balǵa-shege ustaýdy úırengen eńbekqor Qanat óse kele áke jolyn qýyp, bul mamandyqty ómirlik baǵyt retinde tańdap aldy.
«Ákem de kezinde qurylysshy bolǵan. Osy salanyń qıyndyǵy men jaýapkershiligin bala kúnimnen kórip óstim. Keıin joǵary oqý ornyn támamdap, elimizdegi iri qurylys kompanııalarynyń birinde eńbek jolymdy bastadym», deıdi ol.
Alǵash ret Almaty qalasynda ekiqabatty úı salýǵa qatysýy salaǵa degen qyzyǵýshylyǵyn arttyra tústi. Odan keıingi jyldary kópqabatty keshenderdiń turǵyzylýyna atsalysyp, tájirıbesin shyńdady. Búginde Qonaev qalasyndaǵy «Retail Construction» JShS-de qurylys ýchaskesiniń basshysy qyzmetin atqarady. Nysannyń sapaly ári qaýipsiz bolýy jolynda jumys barysyn jiti qadaǵalaıdy. Qurylys alańynda materıaldy qabyldaý, irgetas pen kirpish qalaý, beton quıý – barlyǵy Qanattyń baqylaýynan ótedi.
Qurylys salasynda sapaly is-tájirıbemen ǵana tabysqa jetýge bolatynyn alǵa tartqan Q.Aqylbekov zamandastaryn iskerlikke, eńbekqorlyqqa úndedi.
«Qurylys salasynda óz ornyńdy tabý úshin kem degende 6-7 jyl tabandy eńbek etý qajet. Sondyqtan jastar mamandyǵyn jaýapkershilikpen tańdap, qabiletterine saı jol izdegeni jón. Búgingi jetistik – erteńgi múmkindiktiń bastaýy. Qazir jınaǵan bilim men tájirıbemdi erteń óz kásibimdi ashýǵa paıdalanamyn», deıdi ol.
Búginde óńir-óńirde boı kóterip jatqan záýlim úıler men sándi ǵımarattar – qysy-jazy bel jazbaı eńbek etetin qurysh qoldy qurylysshylardyń mańdaı teriniń, eren eńbeginiń jemisi, turǵyndardyń qaýipsizdigi men jaıly ómiriniń kepili. Sol turǵyda Qanat Aqylbekov sııaqty mamandardyń eńbegi qashan da qurmetke laıyq.
Almaty oblysy