Mádenıet jáne aqparat mınıstrligi 2026 jylǵy qazirgi zamanǵy ónerdiń 61-shi Venesııa bıennalesine arnalǵan Qazaqstannyń Ulttyq pavılonyn daıyndaý jáne usyný maqsatynda kýratorlyq ótinimder qabyldaýdy bastady. Baıqaý eldiń ónerin halyqaralyq arenada tanystyrýǵa jáne tujyrymdamalyq ári kórkemdik turǵydan birtutas joba jasaýǵa baǵyttalǵan, dep habarlaıdy Egemen.kz.
Sonymen qatar, konkýrs zertteý bastamalaryn qoldaý, pánaralyq ádisterdi damytý jáne jergilikti qaýymdastyqtarmen yntymaqtastyqty arttyrý maqsatynda uıymdastyrylǵan.
«Qatysýǵa keminde bes jyldyq kýratorlyq tájirıbesi bar Qazaqstan Respýblıkasynyń azamattary – jeke kýratorlar men kýratorlyq toptar shaqyrylady. Basymdyq Qazaqstanda turatyn jáne jumys isteıtin úmitkerlerge beriledi», delingen habarlamada.
Ulttyq pavılon kórme baǵyty «Mýzeı mılıasy» boıynda ornalasady. Alańy shamamen 250 sharshy metrdi quraıdy jáne art-obektilerdi kórsetýge arnalǵan ishki aýlasy bar.
О́tinimder 2025 jylǵy 9 jeltoqsanǵa deıin elektrondyq poshta arqyly qabyldanady: info@kazakhstanpavilion.kz. Baıqaý nátıjesi 2026 jylǵy 5 qańtarda mınıstrliktiń resmı saıtynda jarııalanady.
Konkýrs sharttary men tolyq qujattar mınıstrliktiń resmı saıtynda «Qujattar» bóliminde jarııalanǵan. Saraptamalyq qazylar alqasynyń quramy habarlandyrý jarııalanǵan kúnnen bastap 7 kún ishinde jarııalanatyn bolady.