Birer kún buryn Beeline brendimen jumys isteıtin «KaR-Tel» JShS Huawei Technologies Kazakhstan LLP kompanııasymen birlesip, Qonaev-Taldyqorǵan avtojoly boıynda ornatylǵan jańa 4G bazalyq stansııasy iske qosyldy. Nysannyń ereksheligi – kún panelderin paıdalaný. Bul ony óńirdegi Huawei kompanııasynyń osy úlgidegi alǵashqy energııa únemdeıtin bazalyq stansııasyna aınaldyrady, dep jazady Egemen.kz.
Jobanyń maqsaty – oblystyń mańyzdy kólik baǵyttarynyń birinde mobıldi baılanystyń sapasyn arttyryp, joǵary jyldamdyqty ınternetke turaqty qoljetimdilikti qamtamasyz etý. Jańa telekommýnıkasııalyq nysan Beeline abonentterine búkil baǵyt boıynda joǵary jyldamdyqty mobıldi ınternetti paıdalanýǵa múmkindik beredi. Bul jol qozǵalysy qaýipsizdigin kúsheıtý, jolaýshylardyń jaılylyǵyn arttyrý, sondaı-aq tranzıttik jáne logıstıkalyq aǵyndardy damytý úshin asa mańyzdy.
Avtomobıl joldaryn sapaly baılanyspen qamtamasyz etý jumystary jalǵasyn tabady. Aldaǵy ýaqytta óńirdiń telekommýnıkasııalyq ınfraqurylymyn odan ári keńeıtý jáne jańǵyrtý arqyly halyq pen bıznes úshin sıfrlyq qyzmetterdiń qoljetimdiligin arttyrý josparlanýda.
Almaty oblysy.