Aqtóbede zańsyz qujat jasap, janarmaıdy shetelge tasymaldaǵan kásiporynnyń qylmysy áshkerelendi, dep jazady Egemen.kz.
Aldymen qylmystyq toptyq nusqaýymen 60 tonna munaı ónimin tasymaldaǵan júk kólikteriniń júrgizýshileri eki óńirde ustalǵan.
Oqıǵany tergeý barysynda turǵyn úı men kásiporynǵa tintý júrgizilip, 400 tonna munaı ónimi, atys jáne gaz qarýlary, zańǵa qaıshy operasııalardy rastaıtyn qujattar tárkilengen.
Sondaı-aq shetelge munaı ónimderin kontrabandalyq jolmen shyǵarǵan taǵy bir kompanııanyń qyzmeti tekserilip jatyr. Aldyn ala derekter boıynsha kásiporyn quny shamamen 8 mlrd teńgeni quraıtyn 30 myń tonnadan astam janarmaıdy eksporttaǵan.
Qazan aıynda memlekettik shekaradaǵy temirjol ótkizý pýnktteriniń birinde osy kompanııaǵa tıesili 300 tonna janarmaı tasymaldaǵan tórt vagon anyqtalǵan.
IIM qazir qylmystyq iske qatysty saraptamalar taǵaıyndalyp, tergeý júrgizilip jatqanyn málimdedi.