О́skeleń urpaqqa «Zań jáne tártip» qaǵıdatyn uǵyndyrýdy kózdegen sýret baıqaýyn Astana qalasynyń prokýratýrasy men ákimdigi birlese uıymdastyrǵan. Erekshe baıqaýda elordalyq 5-7 synyp oqýshylary baǵyn synap kórdi, dep jazady Egemen.kz.
Baıqaýǵa Astananyń IýNESKO-ǵa qarasty Balalar kórkemsýret mektebi-klýbynyń ustazdary men memlekettik organ ókilderi qazylyq etti.
Olar qatysýshylardyń týyndysyn kórkemdik deńgeıi men taqyrypty ashý sheberligine baılanysty baǵalady.
Nátıjesinde 22 úzdik jumys anyqtalyp, sýret avtorlaryna dıplomdar men estelik syılyqtar tabystaldy.
Astana qalasynyń prokýratýrasy men ákimdigi baıqaýda top jarǵan jumystardy kópshilik nazaryna usynyp, qoǵamdyq oryndarynda kórme uıymdastyrýdy josparlap otyr.