Oqý-aǵartý mınıstri Juldyz Súleımenova Azııa dzıýdo odaǵy prezıdentiniń keńesshisi Aıdar Mahmetov pen «Jeńis» sport klýbynyń bas dırektory Tımýr Tursynbaevty qabyldady. Kezdesýde taraptar «Keleshek mektepteriniń» baǵdarlamasyna dzıýdo úıirmesin qanatqaqty joba retinde engizý máselesin talqylady, dep jazady Egemen.kz.
Búginde elimizdegi «Keleshek mektepterinde» 460 myńnan astam oqýshy bilim alady.
Jıynda Juldyz Súleımenova oqýshylarǵa sapaly bilim, sanaly tárbıe berýmen qatar olardyń shyǵarmashylyq, zııatkerlik, sporttyq múmkindikterin shyńdaý ózekti ekenin atap ótti. Bul turǵyda mektepishilik úıirmeler eleýli úles qosa alady.
Dzıýdo elementterin úıretetin úıirmeler osy maqsatty júzege asyrý úshin engizilmek.
217 «Keleshek mektebinde» ashylatyn úıirmeler úshin jattyqtyrýshylardy dzıýdo federasııasy daıarlaıdy.
Sonymen birge mektep zaldaryn qajetti sporttyq qural-jabdyqtarmen, úıirmege qatysatyn oqýshylardy arnaıy kımonomen qamtamasyz etý de federasııaǵa júktelip otyr.
Oqý-aǵartý mınıstri pılottyq jobany júzege asyrý barysynda aýyl mektepterine basymdyq beriletinin málimdedi.