Mamandar biliktiligin shyńdaǵan baıqaý

Eki kúndik is-sharada alys-jaqynnan kelgen qonaqtar baıqaý barysymen shektelmeı, kolledjdiń oqý ǵımaraty men óndiristik bazasyn aralap, oqý ornymen tereńirek tanysty. Aldymen kolledjdiń tórt qabatty bas ǵımaratyn aralaǵan qonaqtar ondaǵy jańashyldyq pen úılesimdilikti kórdi.

Iá, esikten kirgennen-aq munda mun­taz­daı tazalyq baıqalady. Ǵımarat­tyń tórt qabaty túgelimen kúrdeli jóndeýden ótip, árbir qabaty taqyrypqa saı stendtermen jasaqtalyp, bezendirý ju­mystary júrgizilgen. Ekinshi qabat­taǵy murajaı alys­tan kóz tartady. Onda oqý korpýstarynyń maketi jasalyp, ishine jaryqshamdar ornatylǵan. Oqý ǵı­maratynyń úshinshi qabatyn bezendirgen stýdentterdiń ushqyr qııalynan týǵan ásem kórinis kózdiń jaýyn alady. «Qazirgi aqparattyq, sıfrly dáýirde jastar bir-birimen aralasyp, tyǵyz baılanys ornata da bilý kerek. Kolledj ustazdarynyń jobasy aıasynda oqý­lyqtar men kórkem ádebıetterdiń  QR  kody jasalyndy. Sol QR kod arqyly stýdentter kitaptardy oqıdy. Munda ınternet jelisi de jaqsy jumys isteıdi», deıdi kolledj dırektory Narjan Álipbaev.

Oqý ordasynyń  óndiristik bazasyna barǵan qonaqtardy dırektordyń oqý-óndiristik jumystary jónindegi orynbasary Asylbek Asqar kútip alyp, óz tájirıbelerimen bólisti. «Senimgerlik basqarýǵa alǵan seriktestik senimimizdi aqtady, – dep sóz bastady ol. Atalǵan kompanııanyń atqarýshy dırektory Qaırat Aıtbaevtyń bastamasymen bazany tolyq jasaqtap aldyq. Munda stýdentterdiń aýyl sharýashylyǵy salasyn meńgerip shyǵýlaryna tolyq múmkindik bar. Alma, júzim, anar ósirýdiń qyr-syryn úırenip, balyq ósirýdi de jan-jaqty meńgerip shyǵady», dedi A.Asqar.

Kolledjdi senimgerlik basqarýǵa alǵan «Dala-Fruit.kz» JShS óńirdegi jumys berýshilerdiń jaǵdaıyn jáne  jıi oryn alyp jatqan tótenshe jaǵdaılar men órt apattaryn eskere otyryp,  «О́rt qaýipsizdigi» jáne «Tótenshe jaǵdaıda qorǵaý» mamandyqtaryn ashqan eken. Bolashaq órt sóndirýshiler arnaıy tehnıkany basqaryp úırenýi úshin órt sóndirý kóligi  satyp alynǵan. 

Memleket basshysy Qasym-Jomart Toqaev  osy jyldy  «Jumysshy maman­dyq­tary jyly» dep jarııalady. Bul negizinen osy salanyń mamandaryn daıarlaıtyn arnaý­ly oqý oryndarynyń jumysyn jandandyryp, ilkimdi isterdi qolǵa alýǵa túrtki boldy desek, qateles­peımiz. Atalǵan  baıqaý atalǵan oqý orny men Fransııanyń «Coupe du monde de la chocolatine» halyqaralyq qaýymdastyǵy arasynda túzilgen eki­jaqty yntymaqtastyq kelisimi aıasynda júzege asyp otyr. Taǵy bir erekshe toq­tala ketkimiz keletini, bul baıqaýdan úz­dik shyqqan úmitker kelesi jyly naý­ryz aıynda Fransııanyń Týlýza qala­syn­da ótetin Shokolatın jáne «Pain au Chocolat» dep atalatyn álem chempıonatyna qatysýǵa joldama alady.

Kolledjdi senimgerlik basqarýǵa alǵan seriktestiktiń atqarýshy dırektory Qaırat Aıtbaev óz sózinde bul baıqaý óńirimizde kondıterlik salany damytýǵa, mamandardyń biliktiligin arttyrýǵa, tájirıbe almasýǵa jáne elimiz ben Ortalyq Azııanyń baı gastronomııalyq murasyn álemge keńinen tanystyrýǵa jol ashatynyn aıtsa, «Ońtústik Qazaqstan» qoǵamdyq-saıası gazetiniń bas redaktory Abaı Balajan baıqaý barynsha ádil ótip, júzden júırik shyqqan talapker ǵana alda ótetin álem chempıonatyna baryp, onda da top jaryp, juldyzy jarqyraı kórinýine tilektestik bildirdi.

Baıqaýǵa óz elimizden bólek, Qyrǵyz­stan, О́zbekstan memleketterinen «Iýnıor» – jas­tar jáne «Professıonal» – kásibı mamandar sanattary bo­ıynsha 22 úmitker qatysty. Fransııa rezıdensııasynyń bas ákimshisi, Ortalyq Azııa boıynsha «Shokolatın» chempıonatynyń uıymdastyrýshysy Karlos Marsala, «Le Dessert» naýbaı­hana­synyń brend-shefi, uıymdastyrýshy assıstent Áıgerim Bekova, Fransııanyń Qazaqstandaǵy elshiliginiń ynty­maq­tastyq jáne mádenıet jónindegi keńesshisi Sebasten de Kýrtýa, Eýrazııalyq kýboktiń prezıdenti Erjan Pazılov, Eýrazııalyq kýboktiń vıse-prezıdenti Gúlmıra Kúlpeısova, «The Ritz-Carlton» qonaq­úıiniń shef-kondıteri Narıman Ábdiǵapparov, «Le Dessert» naýbaıhanasynyń brend-shefi Aleksandr Pako, «Tian Shan Grand Hotel» qonaq­úıiniń brend shefi Aıdyn Serik­uly, «Eskofe izbasarlary» Qazaqstan delegasııasynyń qazynashysy Tomas Mıýller, Halyqaralyq aspazdyq bilim berý salasynyń sarapshysy, «Eskofe izbasarlary» ınstıtýtynyń (IDE) dırektory Bertran Gerre, «Gýrman jáne tabysty meıramhana» meıramhanasynyń basqarýshysy Aleksandr Ýdebın syndy qazylar alqasynyń sheshimimen  baıqaýdyń  bas júldesi – álem chempıonatyna berilgen joldamany Túrkistan joǵary kópsalaly agrarlyq kolledjiniń stýdenti Pernen Muhammedáli jeńip aldy. Al Shymkent qalasyndaǵy tamaqtandyrý ındýstrııa­sy jáne servıs kolledjiniń stýdenti Gúlden Nuralyqyzy, Kásibı naýbaıhana kolledjiniń (Bishkek qalasy) stýdenti Ajar Keneshova, Iаngııýl agrotehnologııalyq tehnıkýmynyń (Tashkent qalasy) stýdenti Asılbek Rahmanov I oryn – altyn júlde ıegeri dep tanylsa, Kásibı naýbaıhana kolledjiniń (Bishkek qalasy) stýdenti Dılnoz Inaıatova, Túrkistan joǵary kópsalaly agrarlyq kolledjiniń stýdenti Beksultan Qarabaı II oryn – kúmis júldege qol jetkizdi. III oryn – qola júldege Qoǵamdyq tamaqtaný jáne servıs kolledjiniń (Astana qalasy) stýdenti Júnis Begáli, Kásibı naýbaıhana kolledjiniń (Bishkek qalasy) bilim alýshysy Farıda Bolotkanova laıyq dep tanyldy. Bul jastar, ıaǵnı «Iýnıor» sanaty arasyndaǵy baıqaýdyń jeńimpazdary bolsa, «Professıonal» – kásibı mamandar sanaty boıynsha bas júlde – álemdik chempıonatqa joldama qoǵamdyq tamaqtaný jáne servıs kolledjiniń (Astana qalasy) arnaıy pán oqytýshysy Erkebulan Mahmutqa berildi. Bul sanattaǵy altyn júlde ıegerleri retinde tamaqtandyrý ındýstrııasy jáne servıs kolledjiniń oqytýshysy (Shymkent qalasy) arnaıy pán oqytýshysy Habıbýlla Ýsmanov, kásibı naýbaıhana lıseıiniń (Bishkek qalasy) arnaıy pán oqytýshysy Jámıla Jumataeva, Iаngııýl agrotehnologııalyq tehnıkýmynyń oqytýshysy (Tashkent qalasy) Adolat Temırova tanyldy. Al, «Nanmai bakery» naýbaıhanasynyń (Astana qalasy) naýbaıshysy AıdaTósekbaeva qola júldege qol jet­kizdi.

Aýqymdy is-sharaǵa oblystyq bilim berý basqarmasynyń ókilderi, oblystaǵy tehnıkalyq jáne kásiptik bilim berý uıymdarynyń basshylary, arnaıy pán oqytýshylarymen birge Fransııanyń Qazaqstandaǵy elshisi Sılvan Gıoge, elshiliktiń yntymaqtastyq jáne mádenıet jónindegi keńesshileri Sebasten De Kýrtýa, Madam Od Krıstof, atalǵan elshiliktiń aýyl sharýashylyǵy jónin­degi sarapshysy Vensan Berjeza, Fransııanyń Almaty qalasyndaǵy bas konsýly Maksım Jerenje jáne Shymkent qalasyndaǵy qurmetti konsýly Igor Kopaıylov qatysty.