Bıyl shilde aıynda Qyzyljar qalasyna kireberis kúre jolda «Botaı» eskertkishi ashyldy. Bul jylqyny alǵash ret adamzat balasy Soltústik Qazaqstan oblysynyń aýmaǵynda qolǵa úıretkenine qoıylǵan ǵasyrlyq eskertkish. Avtorlary M.Sadyqov, A.Nartov jáne J.Baýyrqan degen músinshiler. Jalpy, eskertkishtiń ıdeıasy tamasha, onda jer sharynda barlyq elden buryn Qazaq jerinde at quryqtalǵanyn kórsetip tur, deıdi Egemen.kz.
Biraq, «Bitken iske synshy kóp» degenge qaramaı kóńilimizdi alań qylyp júrgen bir syndy aıtpaı qala almadyq. Eskertkish sımvoldyq dúnıe bolǵanymen shyndyqqa jaqyn bolýy kerek. Kezinde uly M.Áýezov te aspanǵa qarǵyp turǵan attyń músinin synap, jylqynyń aıaǵy qarǵyǵanda birdeı túspeıdi dep eskertkishti memlekettik syılyqqa ótkizbeı tastaǵan eken...
Al bizdiń músinde laqtyrylǵan tuzaq jabaıy jylqynyń buǵalyq áketetin boılaýyq jerinde tur. Mundaı jerge túsken tuzaqpen jylqyny toqtata almaısyń. Adam men jylqynyń kúshi teń emes, tipti on adam jabylsa da mundaı tuzaqpen asaý, jabaıy jylqy buǵalyq áketedi. Al durysynda tuzaq qyl moıynnan túsý kerek edi. Al ondaıda jylqy qylǵynyp, qolǵa baǵynady...
Munymen eskertkishti buzý kerek deı almaımyn, biraq aǵaıyn bilip júrsin degen oımen jazyldy.
PETROPAVL