Búgin 10 jyldan astam ýaqyt «Qaırat» júıesiniń ajyramas bóligi bolyp, qazaq fýtbolynyń damý baǵytyn aıqyndaýǵa atsalysqan «Qaırat» FK Akademııasynyń jetekshisi Kırıll Sergeevıch Keker 46 jasynda kútpegen jaǵdaıda ómirden ótti, dep habarlaıdy Egemen.kz.
Tanymal bapker ár jyldary klýb qurylymynda mańyzdy laýazym atqarǵan. 2022–2024 jyldary sary-qaralardyń negizgi komandasyn basqardy. 2025 jyly Akademııaǵa jetekshilik etip, sonymen birge Qazaqstan U-19 quramasymen jumys istep, jańa býyn fýtbolshylaryn qalyptastyrýdy jalǵastyrǵan.
«Kırıll Sergeevıch óz isine adal, talapshyl ári ádil maman edi. Jas oıynshylardyń múmkindigin ashyp, eń mańyzdy sátterde qoldaý kórsetýdi biletin naǵyz tálimger bolatyn. Onyń Akademııanyń, negizgi komandanyń, Qazaqstan jasóspirimder quramasynyń damýyna qosqan úlesi zor. Kırıll Sergeevıch Kekerdiń týystary men jaqyndaryna shyn júrekten kóńil aıtamyz», dep jazdy «Qaırat» FK.