Atyraý qalasy men jeti aýdandyq máslıhaty arnaıy salyq rejıminiń mólsherlemesin 2 paıyzǵa deıin tómendetýdi maquldady. Atyraý oblystyq kásipkerler palatasynyń baspasóz qyzmetinen málim etkendeı, jańa mólsherleme 2026 jyldyń 1 qańtarynan bastap kúshine enedi, dep habarlaıdy Egemen.kz.
«Bul óńirdegi shaǵyn jáne orta bıznes úshin eń mańyzdy qoldaý sharalarynyń biri bolmaq. Salyq júktemesiniń tómendetilýi kásipkerlikti damytýǵa qosymsha múmkindikter beredi. Kásiporyndardyń turaqtylyǵyn arttyrady. Qarjyny, óndiristi keńeıtýge, jańǵyrtýǵa, jumys oryndaryn ashýǵa, jalaqyny arttyrýǵa jol ashady», dep habarlady óńirlik palatanyń baspasóz qyzmeti.
«Úı janyndaǵy dúkender» jelisiniń ókili Lázzat Dosmaǵambetovanyń aıtýynsha, bul óńir ekonomıkasyna ınvestısııa tartýǵa oń áserin tıgizedi.
«Arnaıy salyq rejımi mólsherlemesin tómendetý shaǵyn jáne orta kásipkerlikti jandandyrýǵa yqpal etedi. Bul kásipkerlerdi kásibin ashyq júrgizýge, bıznes sýbektileriniń sanyn arttyrýǵa, iskerlik klımatty jaqsartýǵa yntalandyrady», deıdi Lázzat Dosmaǵambetova.