ASTANA. 21 naýryz. Indonezııada ótip jatqan gandboldan áıelder arasyndaǵy Azııa chempıonatynda Qazaqstan sheshýshi synǵa shyǵa almady. Japonııamen bolǵan jartylaı fınaldyq oıynda qyzdarymyz 21:37 esebimen ese jiberdi. Bul týraly egemen.kz habarlady.
Oıynnyń alǵashqy kezeńinde japon qyzdary 17 márte bizdiń qaqpany dál kózdedi. О́z kezeginde Qazaqstan quramasy bul kezeńde 11 nátıjeli soqqymen jaýap qatty. Al oıynnyń ekinshi bóliginde qarsylastarymyz 20:10 esebimen ońaı jeńiske jetti.
Endi bizdiń komanda erteń úshinshi oryn úshin Qytaımen kúsh synasady. Al Japonııa Ońtústik Koreıamen chempıondyq ataqty sarapqa salady.
Aıta keteıik, qol dobynan Qazaqstan áıelder quramasy eki ret sary qurlyqtyń chempıony atandy. Alǵash ret 2002 jyly top jarǵan qazaqstandyqtar 2010 jylǵy Azııa chempıonatynda bul jetistikterin qaıtalady. Sondaı-aq, eki ret 4, úsh márte 5-oryn alǵan Qazaqstan quramasy ázirge qurlyqtyń kúmis jáne qola júldegeri atanyp kórgen joq.
Elaman Qońyr.
Derek: egemen.kz.
Sýret: nur.kz.