Sheteldik stýdentter sany 35 myńnan asty

Keıingi kezde Qazaqstan Eýrazııa keńistigindegi jetekshi bilim ortalyqtarynyń biri retinde qalyptasýdy kózdeıtini aıtylyp júr. Sol maqsatta shekara syrtyndaǵy elderden stýdentterdi tar­tý­ǵa qarqyndy jumys­tar júr­gizilip jatyr. Nátı­je­sinde, 2025 oqý jylynda elimizdiń joǵa­ry oqý oryndarynda bilim alyp jatqan sheteldik izdený­­shilerdiń naqty sany 35 075 bolyp otyr.

Jańartylǵan derek­terge qaraǵanda, shetel­dik stý­dent­ter­diń qury­ly­my bilim alýshylar geogra­fııa­­synyń aıtar­lyq­taı keńeı­genin baıqa­ta­dy. Bul turǵyda kósh bastap turǵan memleketter: Úndistannan – 9 959, Túrikmenstannan – 9 089, О́zbekstannan – 4 136, Qytaıdan – 3 367, Reseıden – 2 426 stýdent bar.

Ońtústik Azııa, Ortalyq Azııa jáne Qytaıdan keletin stýdentterdiń basym bóligi medısına, ınjenerııa, IT jáne áleýmettik-ekonomıkalyq ba­ǵyt­tardy tańdaıdy. Bilim baǵyttary boıynsha suranys boıynsha sandardy sóıletsek: densaýlyq saqtaý jáne medısına – 12 950, pedagogıka – 5 943, bıznes jáne quqyq – 4 539, ınjenerııa – 3 374, aqparattyq tehnologııalar – 2 141.

Sheteldik talapkerler nege bizdiń eldi tańdaıdy? Munyń jaýabyn mınıstrlik anyqtaǵan úsh sebepten kóre alamyz. Birinshisi – óńirdiń birqatar memleketimen sa­lys­tyrǵanda qoljetimdi oqý aqysy; ekin­shi­si – otandyq joǵary oqý oryndarynyń dıplomdarynyń tanylýy jáne halyqaralyq serik­­testikter; ınfraqury­lym­­nyń jaqsarýy jáne prak­tıkalyq daıyndyqqa basym­dyq berilýi.

Logıkaǵa salsaq, sheteldik stýdentter qatarynyń kóbeıýi­ne elimizde ashylǵan shetel­dik joǵary oqý oryndary fılıal­darynyń ashylýy túrt­ki boldy dep oılaýymyz múmkin. Alaıda sheteldik stý­dent­­terdi tartýda ulttyq ýnı­­versıtetter strategııalyq draı­verge aınaldy. Sheteldik stýdentter sany boıynsha úzdik 5 JOO: Ál-Farabı atyndaǵy QazUÝ – 4 497, S.Asfendııarov atyndaǵy QazUMÝ – 2 687, L.N.Gýmılev atyndaǵy EUÝ – 2 483, Q.Sátbaev atyndaǵy QazUTZÝ – 1 759, M.Áýezov atyndaǵy OQMÝ – 1 730.

Almaty, Astana jáne Shym­kent sheteldik stýdent­terdi tartýdyń úsh negizgi ortalyǵy bolyp otyr. Tarqatyp jazsaq, Almatyda 18 195, Astanada 4 292, Shymkentte 3 645 sheteldik stýdent bar. Almatyda ulttyq ýnıversıtetterdi, medısı­na­lyq joǵary oqý oryndaryn jáne jeke bilim berý uıym­da­ryn qamtıtyn Ortalyq Azııadaǵy eń iri bilim klasteri qalyptasqan. Astana ǵylymı-zertteý ortalyqtarynyń damýy jáne halyqaralyq bilim bas­tamalary arqyly zııatkerlik ortalyq retindegi ornyn kúsheıtip jatyr. Shymkent eli­mizdiń ońtústigindegi ındýs­trııa­lyq bilim tiregine aınalyp keledi. Osy úsh ortalyq birigip Qazaqstannyń Tashkent, Bishkek jáne Baký qalalarymen óńirlik kóshbasshylyqqa básekelese alatynyn kórsetedi.