«Samuryq-Qazyna» transformasııamen tabysyn ústeıdi

Keshe Ortalyq kommýnıkasııa qyzmetinde «Samuryq-Qazyna» UÁQ» AQ basqarma tóraǵasy О́mirzaq Shókeev baspasóz máslıhatyn ótkizdi. Ol Úkimettiń keńeıtilgen otyrysynda júktelgen tapsyrmalardyń oryndalýy men «Nurly Jol» baǵdarlamasynyń júzege asyrylýy týraly, sondaı-aq qordyń kompanııalar tobynyń jetistikteri jóninde aıtty. Sońǵy jyldaǵy qıyndyqtarǵa qaramaı, ulttyq ál-aýqat qory alǵa qoıǵan mindetterdi eńserip kele jatqanyn jetkizgen qoǵam tóraǵasy  ótken jyldyń tabystaryn tizbektedi. «Byltyr daǵdarys bastalǵan jyl bolǵanyna qaramastan, «Samuryq-Qazynanyń» taza tabysy 458 mlrd. teńgeni qurady. Bul rette qorǵa qarasty kompanııalar tıimdiliginiń basty ólshemi sanalatyn operasııalyq tabystyń kórsetkishi 19,52 paıyz boldy. Jalpy alyp qaraıtyn bolsaq, qorǵa qarasty kompanııalar byltyrǵy jyly jalpy quny 2 mlrd. 900 mln. dollarǵa jetken 13 jobany nátıjeli aıaqtady. Munymen qosa, jobalardyń júzege asyrylýynyń arqasynda 5 myń 600 ýaqytsha, al 1 myń 200 turaqty jumys orny ashyldy», dedi О́.Shókeev. Ulttyq qor aqsha únemdeý maqsatymen, ózine qarasty kompanııalar tobynyń bıylǵa arnalǵan shyǵystaryn 337 mlrd. teńgege qysqartyp, ońtaılandyrypty. Naqty sandarǵa júginsek, ákimshilik shyǵystar 64 mlrd. teńgeni, al kúrdeli shyǵystar 240 mlrd. teńgeni quraıdy eken. Qor basshysynyń aıtqanyna qaraǵanda, qysqartý jumysy meılinshe kúrdeli bolyp tabylatyn úlken kompanııalarda birtalaı sharalar atqarylypty. Máselen, «QazMunaıGaz» ulttyq kompanııasynyń menedjmenttik shyǵystary aǵymdaǵy jyly 134 mlrd. teńgege ortaısa, «Qazaqstan temir joly» UK» AQ bıýdjeti 84 mlrd. teńgege qysqartylmaq kórinedi. «Qarajatty osynshama qysqarta otyryp, jumys nátıjesin saqtaý asa kúrdeli sharýa. Degenmen, aǵym­daǵy shyǵystar boıynsha óndi­ristegi qyzmetkerlerdiń jalaqysy saq­talady, bıýdjetke mindetti salyqtar da tólenedi, ózge de áleýmettik qol­daýlar sekildi baptar óz qalpynda qaldyrylady», dedi tóraǵa. Qazirgi tańda «Samuryq-Qazynaǵa» qarasty kompanııalardyń, sonyń ishinde uıymdyq qurylymdardyń barlyǵynda tereńdetilgen kúrdeli qaıta qurý jumystary júrip jatyr eken. Naqtylasaq, kompanııalar toby boıynsha bıznes úderisteri jańa úlgige kóshirilýde. Jumysqa jal­daý, testileý, kadrlardy kó­ter­meleý, qyzmetkerlerdi jumystan bosatýdyń barlyq tetik-erejeleri qaıta pysyqtalýda. Mundaǵy má­sele, ákimshilik-basqarý personal­daryna qatysty bolyp otyr. Bas­qarýshylyqtan bólek, óndiristik tehnologııalar da qaıta táptishteledi. Sondaı-aq, qor aıasyndaǵy transfor­masııaǵa qatysty jumystar enshiles kompanııalarda júrgizilýde eken. Atalǵan sharaǵa oraı «Qaz­Mu­naıGaz», «Qazposhta», «Qazaqstan temir joly», «Qazatomónerkásip», «Samuryq-Energo» sekildi kom­pa­nııalardyń menedjmenti belsendi jumysqa kirisip te ketipti. Shamamen kompanııalardyń 750 qyzmetkeri jańǵyrtý komandasyna shoǵyrlanǵan. Máselen, QTJ jańa korporatıvtik mádenıetti engizý deńgeıinen ótýde. Al «Qazposhta» AQ óz qyzmetteriniń sapasyn arttyryp, básekege qabiletsizdik sebepterin aıqyndaýmen aınalysyp jatqan kórinedi. «Transformasııa aıasynda «Qazatomónerkásip» óziniń strategııalyq basymdyqtaryna jiti mán bere bastady. Bul kompanııanyń aldaǵy maqsaty álem naryǵynda baǵa qalyptastyrý qyzmetin tutynýshy emes, kerisinshe, álemdik naryqtaǵy baǵany qalyptastyrýshy bolýy kerek. Buǵan kompanııanyń múmkindikteri jetedi», dedi О́.Shókeev. Osy kezeńde jeti iri kompanııa­da operasııalyq transformasııa ju­mystary júzege asyrylýda. Barlyq kompanııalar boıynsha shamamen 40-qa jýyq bıznes úderisi aıasynda muqııat taldaý jumystary júr­gizilgen soń, jańa negizgi kórset­kishter aıqyndalmaq kórinedi. «Trans­formasııa tóńiregindegi refor­manyń tıimdiligine kelsek, tek bir ǵana «Qazaqstan temir joly» kompanııasynyń ózi jyl saıyn 20 mlrd. teńgeniń tıimdiligin sezinetin bolady. Salystyrmaly túrde alsaq, QTJ-nyń byltyrǵy taza tabysy 27,3 mlrd. teńgeni qurady. Al biz osy baǵdarlamanyń arqasynda ol kórsetkishti eki esege jýyq arttyra alamyz», dedi basqarma tóraǵasy. Nurbaı ELMURATOV, «Egemen Qazaqstan».