«Atyraý Jaryq» JShS basshysy Meıirbek Ǵubashevtiń málimetine súıensek, oblys aýmaǵynda birneshe ýchaskede elektr energııasyn berý ýaqytsha toqtatylǵan. Buǵan aýa raıynyń kúrt buzylýy sebep bolǵan, dep habarlaıdy Egemen.kz.
Qazir elektr jelilerinde apattyń 85 paıyzy tolyqtaı qalypqa keltirilipti.
«Elektr energııasyn berýdi qalpyna keltirý úshin 40 arnaıy brıgada kúsheıtilgen rejımde jumys isteýge kiristi. Magıstraldyq jáne jeke turǵyn úılerge tartylǵan jelilerdi qalpyna keltirý jumysy júrgizilip jatyr. Elektrmen jabdyqtaý júıesin keshke deıin tolyq qalpyna keltirýdi josparlap otyrmyz», dedi Meıirbek Ǵubashev.
Elektr energııasyna qatysty ótinimder men habar 109 biryńǵaı baılanys ortalyǵy arqyly qabyldanady.