2025 jylǵa arnalǵan Úkimet jumysynyń qorytyndylaryn shyǵarý aıasynda Astana Hub alańynda ótken baspasóz konferensııasynda Energetıka mınıstri Erlan Aqkenjenov jylytý maýsymynda atqarylǵan jumystar týraly baıandady, dep habarlaıdy Egemen.kz.
Bıyl energetıkalyq ınfraqurylym salasynda mańyzdy nátıjege qol jetkizildi, tozyǵy jetken jabdyqtardy jańartý sıkli bastaldy. Elektr stansııalaryndaǵy jóndeý jumystaryna salynǵan kapıtal kólemi 20%-ǵa ósti.
El boıynsha jylý elektr ortalyqtary jabdyqtarynyń jalpy tozý deńgeıi alǵash ret tómendep, 61%-dy qurady. Barlyq josparlanǵan jóndeý jumystarynyń júrgizilýi Kentaý, Rıdder jáne Ekibastuz qalalaryndaǵy stansııalardy qosa alǵanda, 9 energııa kózin táýekel aımaǵynan shyǵarýǵa múmkindik berdi.
Jylý jelilerin jańǵyrtý aıasynda 323 km qubyr aýystyrylyp, bul tutynýshylardy turaqty jylýmen qamtamasyz etýge jáne tozý deńgeıin 52%-ǵa deıin tómendetýge yqpal etti. Jylý jelileriniń tozýy 25%-ǵa azaıdy.
«Qoldanystaǵy ınfraqurylymdy qalpyna keltirýmen qatar, jańa generasııalaý qýattaryn iske qosý qamtamasyz etildi. 2025 jyly Tekeli energetıkalyq kesheninde gaztýrbınalyq qondyrǵylar paıdalanýǵa berildi, al Topar JES-inde qýaty 130 MVt bolatyn jańa týrboagregat iske qosyldy. Jyl qorytyndysy boıynsha eldiń energojúıesi rekordtyq 118 mlrd kılovatt-saǵat elektr energııasyn óndirip, suranystan ozyq rejımde jumys istedi», dedi Erlan Aqkenjenov.
Kelesi jyldan bastap Úkimet óńirlik deńgeıde jylýmen jabdyqtaý syzbalaryn qaıta qaraý boıynsha júıeli jumysqa kirisedi. Pılottyq jobalar Jambyl oblysy men Shymkent qalasynda aıqyndaldy.
Aıta keteıik, 2025 jylǵy Úkimet qyzmetin qorytyndylaý aıasynda Energetıka mınıstri Erlan Aqkenjenov Astana Hub alańynda buqaralyq aqparat quraldary ókilderimen kezdesip, energetıka salasyn damytý máselelerin talqylaǵan edi.