Shymkenttiń eki kásiporny – «Evrokrıstall» JShS, «Dala-construction.kz» JShS kompanııalary Astana qalasynda ótken «Paryz-2025» respýblıkalyq konkýrsynyń laýreaty atandy.
Atalǵan kásiporyndar ónim óndirip, óńirlik áleýmettik jobalardy iske asyryp keledi. Sondaı-aq eńbek qaýipsizdigin qamtamasyz etýde úlken jetistikterge jetip júr. Kompanııalardyń ońdy isteri qyzmetkerlerdiń eńbek jaǵdaıyn jaqsartýǵa, áleýmettik qorǵaý sharalaryn kúsheıtýge, óńirdegi áleýmettik ınfraqurylymdy damytýǵa baǵyttalǵan.
Konkýrstyń qalalyq kezeńinde Shymkent qalasynan 18 kásiporyn qatysyp, 5 atalym boıynsha 19 ótinim usynylǵan-dy. Komıssııa barlyq úmitkerdi arnaıy talaptarmen qarap, áleýmettik jaýapkershilik deńgeıi, eńbek jaǵdaıy, ekologııalyq talaptardy saqtaý men korporatıvtik mádenıet kórsetkishteri jaǵynan baǵalady.
Mamandar «Paryz» konkýrsy jergilikti kásiporyndardyń bıznestegi áleýmettik jaýapkershiligin kúsheıtetinin, aldaǵy ýaqytta áleýmettik jobalarǵa belsendi qatysýyna serpin beretinin málimdedi.
ShYMKENT