Qazaqstanda qarasha aıynyń qorytyndysy boıynsha jyldyq ınflıasııa kórsetkishi 12,4%-ǵa deıin báseńdedi. Ulttyq bank tóraǵasy Tımýr Súleımenov bul ózgeriske Úkimet tarapynan qabyldanǵan ákimshilik sharalar tikeleı yqpal etkenin málimdedi, dep habarlaıdy Egemen.kz.
Bank tóraǵasynyń aıtýynsha, baǵa ósiminiń baıaýlaýyna eń aldymen turǵyn úı-kommýnaldyq qyzmet tarıfteriniń tómendetilýi sebep bolǵan. Degenmen, ınflıasııa qurylymynda áli de azyq-túlik taýarlary basymdyqqa ıe, olardyń jyldyq ósimi 13,4% qurady. Sonymen qatar, azyq-túlikke jatpaıtyn taýarlar baǵasy 11,2 %-ǵa, al aqyly qyzmetter 12,3 %-ǵa ósken.
Tımýr Súleımenov janar-jaǵarmaı naryǵyn yryqtandyrý men keıbir tarıfterdiń kóterilýi ınflıasııalyq kútýlerge áli de janama áser etip otyrǵanyn atap ótti.
«Qarashadaǵy aılyq ınflıasııa 0,8 % deńgeıinde qalyptasty, bul tarıhı ortasha kórsetkishterden tómen. Dese de, ishki suranystyń joǵarylyǵy men fıskaldyq yntalandyrý sharalary baǵaǵa belgili bir deńgeıde qysym jasap tur», dedi Ulttyq bank basshysy.