Aldaǵy kúnderi Qazaqstan aýmaǵynyń basym bóliginde aýa raıy turaqsyz bolady. Sınoptıkterdiń boljamyna sáıkes, elimizdiń kóp óńirinde jańbyr jaýyp, naızaǵaı oınaıdy. Ońtústik-shyǵystyń taýly aımaqtarynda túngi ýaqytta jańbyr men qar aralas jaýyn-shashyn túsýi yqtımal, dep habarlaıdy Egemen.kz.
Keıbir óńirlerde burshaq jaýýy jáne ekpindi jel soǵýy múmkin. Sondaı-aq túngi jáne tańǵy ýaqyttarda tuman túsedi dep boljanyp otyr. Soltústik jáne ortalyq oblystarda, sondaı-aq ońtústik óńirlerde 28-29 sáýir kúnderi, al shyǵysta 29-30 sáýir aralyǵynda negizinen jaýyn-shashynsyz ashyq aýa raıy saqtalady.
Respýblıkanyń ońtústik-batysy men ońtústiginde shańdy daýyl bolýy yqtımal.
Jańbyr jaýyp, jel kúsheıedi: 27 sáýirge arnalǵan aýa raıy boljamy
Sonymen qatar, 28-29 sáýir túngi ýaqytta batys, soltústik-batys, soltústik, shyǵys jáne ortalyq aımaqtarda aýa temperatýrasy -3°C-qa deıin tómendep, úsik júrýi múmkin.
Kúndizgi ýaqytta el aýmaǵynda aýa temperatýrasy birtindep kóteriledi: batysta +15…+20°C, soltústik-batysta +17…+25°C, soltústikte +21…+26°C, ortalyqta +21…+30°C, shyǵysta +19…+27°C, ońtústikte +25…+34°C, al ońtústik-shyǵysta +22…+27°C shamasynda bolady.