The Ring bedeldi jýrnaly orta salmaqta IBF jáne WBO chempıony qazaqstandyq Jánibek Álimhanulyn (17-0, 12 KO) óz reıtınginen alyp tastaǵanyn málimdedi, dep habarlaıdy Egemen.kz.
Buǵan deıin Jylandy óńiriniń 32 jastaǵy týmasy dıvızıon reıtınginde birinshi orynda turǵan edi. Alaıda aıdyń basynda VADA dopıng-testiniń oń nátıjesine baılanysty ol úzdikter tiziminen tolyqtaı shyǵaryldy. Bul týraly jýrnaldyń resmı jańartýynda aıtylǵan:
– Buryn reıtıngtiń birinshi nómiri bolǵan Jánibek Álimhanuly osy aıdyń basynda alynǵan VADA dopıng-testiniń jaǵymsyz nátıjesinen keıin tizimnen shyǵaryldy. Sonyń saldarynan qalǵan barlyq boksshylar bir satyǵa joǵarylady, al kishi Hesýs Ramos reıtıngtiń alǵash ret ondyqqa kirdi, – dep habarlaıdy The Ring.
Jańartylǵan reıtıngte birinshi orynǵa WBC chempıony Karlos Adames (24-1-1, 18 KO) kóterildi. Al úzdik úshtikti kýbalyq boksshylar - Ioenlıs Ernandes (8-0, 7 KO) pen Erıslandı Lara (31-3-3, 19 KO) túıindedi.