Qazaqstannyń breıkıng quramasynyń kóshbasshysy Ámir Zakırov BAÁ-niń Dýbaı qalasynda ótken WFADS álem chempıonatynda jeńiske jetti, dep habarlaıdy Egemen.kz.
B-boy Amir eresekter arasyndaǵy jarysta fınalǵa deıin jetti.
Sheshýshi básekede Ámir Zakırov AQSh ókili Mıgel Rosarıony (b-boy Gravity) jeńdi.
Al qola júlde Reseı sportshysy Rýslan Faızrahmanovqa (b-boy Ruslan Footrockets) buıyrdy.
Aıta keteıik, 2024 jyly Ámir Zakırov Fransııanyń Parıj qalasynda ótken Olımpıada oıyndaryna qatysqan bolatyn. Qazaqstandyq sportshy 1/4 fınalǵa deıin jetip, jalpy esepte segizinshi oryndy ıelendi.