Ekinshi toqsannyń aıaqtalýyna baılanysty mektep oqýshylary 29 jeltoqsan – 7 qańtar aralyǵynda qysqy kanıkýlǵa jiberiledi. Bul týraly Oqý-aǵartý mınıstrliginiń baspasóz qyzmeti habarlady, dep jazady Egemen.kz.
Mınıstrlik mektep oqýshylarynyń qysqy demalysyn tıimdi ótkizý maqsatynda «Adal azamat» birtutas tárbıe baǵdarlamasy aıasynda birqatar is-sharany uıymdastyrýǵa keńes berip otyr:
kitap oqý; mýzeılerge, kórme zaldaryna, ǵylymı ortalyqtarǵa jáne tarıhı eskertkishterge tanymdyq ekskýrsııalarǵa barý; sporttyq oıyndarǵa qatysý, konkı, shańǵy tebý; qaıyrymdylyq aksııalary jáne basqa da is-sharalarǵa qatysý.Dese de demalys kezindegi balalardyń qaýipsizdigi basty nazarda bolýy tıis. Osy maqsatta eresekter men ata-analar jol-kólik jaraqattarynyń aldyn alýǵa, mekteptiń ishki tártibin saqtaýǵa, balalardyń qoǵamdyq qaýipsizdigine, úıdegi órt qaýipsizdigi jáne kıberqaýipsizdikke kóńil bólýi tıis.