Mádenıet jáne aqparat mınıstrligi men «Ksell» AQ-nyń birlesken bastamasy elimizdegi medıa salasyn túbegeıli jańartýdy kózdeıdi. Qatysýshylar faktchekıng arqyly aqparatty súzgiden ótkizýdi, data-jýrnalıstıkanyń qupııalaryn jáne mýltımedııalyq kontentti kez kelgen platformaǵa laıyqtap jasaýdy meńgergen.
Trenıngtiń eń ózekti taqyryby – jasandy ıntellektini redaksııalyq jumysqa engizý boldy. Tehnologııalyq alpaýyt Ericsson jáne «Ksell» sarapshylary qatysýshylarǵa telekommýnıkasııa salasyndaǵy sońǵy ózgeristerdi tanystyryp, sıfrlyq álemniń tilin halyqqa qarapaıym ári uǵynyqty jetkizýdiń joldaryn kórsetti.
Oqý sońynda jýrnalıster tek sertıfıkat alyp qana qoımaı, naqty keısterdi sheship, bolashaqtyń medıa-jobalaryn qorǵap shyqty.