Memleket basshysy shynjyr tabandy jáne dóńgelekti brondy mashınalar shyǵaratyn, sondaı-aq olarǵa tehnıkalyq qyzmet kórsetetin Besqaru zaýytyna bardy, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaev sehtardaǵy qurastyrý jumystaryn aralap kórip, qorǵanys ónerkásibi keshenine qarasty kásiporynnyń tehnologııalyq prosesterimen jáne óndiristik múmkindikterimen tanysty.
Kompanııa jylyna 200 brondy tehnıka qurastyrady. Olardyń qatarynda sýdy keship óte alatyn, dóńgelekti Taimas8x8, Aibar 4x4 brondy mashınalary, sondaı-aq Tulpar shynjyr tabandy tehnıkasy bar.
Besqaru kompanııasy óz ónimin Qorǵanys mınıstrligi men basqa da kúshtik qurylymdarǵa arnap shyǵarady.
О́ndiris alańy bıyl aqpan aıynda iske qosyldy. Jalpy quny 13,5 mıllıard teńge bolatyn joba aıasynda 134 jumys orny ashyldy.
Memleket basshysy zaýyt qyzmetkerlerimen áńgimelesip, olardyń eńbegi ónimdi bolýyna tilektestik bildirdi.
Memleket basshysy Tausogar zaýytyn aralap kórdi
Qasym-Jomart Toqaev Besqaru zaýytymen tanysty