31 jeltoqsanda AQSh áskerıleri Karıb teńizinde 2 keme nysanyn soqqyǵa ushyratty. Qaza tapqandar sany – 5 adam. Bul týraly AQSh Qarýly kúshteriniń Ońtústik komandasy áleýmettik jelide jarııalaǵan, dep habarlaıdy Egemen.kz.
«Operasııalar barysynda barlyǵy bes «narkoterrorıst» óltirildi: birinshi kemede – úsh, ekinshi kemede – eki adam», delingen habarlamada.
Basylymda kemelerdi basqaryp otyrǵandardyń terrorıstik uıymdardyń músheleri ekeni aıtylady. AQSh sońǵy birneshe aıda esirtki tasymaldaýmen baılanysy bar dep tanylǵan katerlerdi zalalsyzdandyrý úshin ásker qoldanǵanyn habarlady. Vashıngton mundaı áreketterdi transulttyq qylmystyq jáne esirtki saýdasyna qarsy baǵyttalǵan operasııa dep sıpattaıdy.
Atalǵan oqıǵalar – AQSh pen Venesýela arasyndaǵy qarym-qatynasty kúrt shıelenistirdi. Vashıngton ortalyq barlaý agenttigine (SRÝ) eldegi úkimetke qarsy jasyryn operasııalar júrgizýge ruqsat bergen. Sonymen qatar, AQSh Bas prokýrory Pem Bondı Venesýela prezıdenti Nıkolas Madýroǵa qatysty aqparat úshin 50 mıllıon dollar syıaqy jarııalaǵan. AQSh-taǵy resmı málimetter boıynsha, venesýelalyq lıder terrorıstik uıymdardy AQSh-qa esirtki jetkizý úshin paıdalanady degen aıyp taǵylyp otyr.
Túrkııada Lıvııa ushaǵy apatqa ushyrady.