El erteńin búgin oılasaq utamyz

– Biz merziminen buryn pre­zıdenttik saılaý ótkizý ıdeıasyn qoldaımyz, – dedi «Qazaqstan Respýblıkasy álemdik qory» Almaty qalalyq qoǵamdyq qaıy­rymdylyq qorynyń tór­aǵasy Shaıh Qazbek Áltaı­uly. – Biz Qazaqstan qoǵa­myna saılaýdy ótkizýge bel­sendi túrde atsalysý ıdeıasyn ǵana usynyp otyrǵan joq­pyz, sondaı-aq, álemdik qoǵam­dastyqtyń eli­mizde bolyp jatqan saıası úde­risterdi durys qa­byl­d­aýyna yqylas bildirýdemiz. «Meniń aıtaıyn degenim, dál qazirgi jaǵdaıda «mer­zi­minen buryn» degen sóz durys qoldanylmaı turǵan sııaqty kórinedi. О́ıtkeni, prezıdenttik saılaý – bul árdaıym mem­le­ketimizdiń jańa eleýli keze­ńinde nemese óz da­mýynyń jańa mártebesinde da­mıtyn jo­lymyzdy tańdaý nemese ja­ńartý dep esepteımiz. Pre­zıdenttik saılaý – bul óz­gergen jaǵdaıǵa sáıkes eli­mizdiń damý strategııasyn túzetý, al bul shyn máninde ýaqy­tynda jasalýy tıis, ıaǵnı keshik­tirilmeýi kerek», dep túıin­dedi oıyn Shaıh Qazbek Áltaıuly. Qazaqstanǵa beıbitshilikti súıetin, Qazaqstan Respýb­lı­kasynyń Prezıdenti sııaqty kópultty jáne kóp­konfessııaly eldegi halyq arasyndaǵy beıbitshilik pen dostyqqa kepildik beretin jáne solardy jaqtaıtyn prezıdent kerek. Halyqaralyq sarapshylardyń bergen baǵalaryna sáıkes, 2015 jyldyń ekinshi jartysynda ýshyǵa túsetin daǵdarys 2016-2017 jyldarǵa deıin sozylady. Qazaqstan bul talaptardy saılaýdy anyqtap bolǵan soń qarsy alýǵa daıar bolýy tıis. Qazaqstan halqy Assam­bleıasy Keńesindegi prezı­dent­tik saılaýdy bastama etip kóterý faktisi Qazaqstan Pre­zıdenti N.Á.Nazarbaev­tyń Qazaqstan halqynyń beıbitshiligi men rýhanı ke­lisimi saıasatynyń negizgi vektoryn, sondaı-aq, álemdegi búkil halyqpen úılesimdi, dostyq qarym-qatynasta ómir súrýdi kórsetedi. Sonymen qatar, N.Á.Nazarbaevtyń G-Global ıdeıasy kóbine ekonomıka, aýmaq, áskerı qýat nemese aqparattyq áser áleýetiniń kólemine qaramastan, álemdegi barsha halyq pen ulttardyń teń quqyly dep qaraıtyn kózqarasynan baıqalady. «Jarasym» respýblıkalyq jastar uıymynyń tóraǵasy Rasýl Ahmetov osylaı deı kelip, jýrnalıster qoıǵan suraqtarǵa jaýap qaıtardy.

Sharafaddın ÁMIROV,  

«Egemen Qazaqstan». ALMATY.

Qazaqstan joly aıqyn

Bıylǵy jyldyń 14 aqpan kúni Qazaqstan halqy Assambleıasynyń Keńesi Qazaqstanda merziminen buryn prezıdenttik saılaý ótkizý týraly bastama kótergeni bar­shamyzǵa aıan. Jalpy, Qazaqstan halqy Assambleıasynyń bul usy­nysyn ózim júrgen jerlerde qa­­lyń buqaranyń, ıaǵnı bar­sha ha­­­lyq­tyń, zııaly qaýym ókil­deri­niń biraýyzdan qoldap, oń pikir bil­dirip jatqanynyń kýási boldym. Búginde álemdegi qarjylyq qıynshylyqtar men geosaıası jaǵdaı, turaqsyzdyq ornaǵan Ýkraınadaǵy áskerı qaqtyǵystar tusynda Qazaqstan óziniń qar­qyn­dy damý jolyn tańdap aldy. Elimizdiń basty baǵdary bolǵan «Máńgilik El» ıdeıasy men «Nurly Jol» baǵdarlamasynda aıtylǵandaı, halyqtyń qalaýy – tynyshtyq, beıbitshilik, tatýlyq. Al buǵan áskerı adam retinde aı­ta­rym, elimizdegi tatýlyq pen beıbit­shiliktiń turaqty kepili bola bil­gen Elbasy –Táýelsiz Qazaqstan Qarýly Kúshteriniń negizin ­salýshy. Prezıdent N.Á.Nazarbaev Qarýly Kúshterdiń memleket ómirindegi róli men mańyzyn tereń túsinip, táýelsiz eldiń qorǵanys salasynyń qalyptasýy men damýyna tikeleı basshylyq etip keledi. Táýelsizdik ornaǵannan beri qaraı Tuńǵysh Prezıdentimiz eldiń Qarýly Kúshteriniń qalyptasýyna belsene aralasyp, ony zamana talaptaryna saı joǵary sapada jetildirý máselesin basty nazarda ustaýda. Sonyń arqasynda elimizde tynyshtyq ornaǵan. Sondyqtan biz de «Nur Otan» partııasynyń múshesi retinde Qazaqstan halqy Assambleıasynyń bul bastamasyn tolyqtaı quptaıtynymdy jetkizemin.

Abaı TASBOLATOV,

Parlament Májilisiniń depýtaty, general-leıtenant, tarıh ǵylymdarynyń doktory, professor, «Nur Otan» partııasynyń múshesi.

Kókeıge qonǵan kelisim

Tatýlyq, birlik bolmaǵan jer­de bereke bolmaıdy. Al bere­kesiz eshteńe de ońbaıdy. Bul – halqymyzben bir jasasyp kele jatqan támsil. Bizdiń Qazaq­standaǵy turaqtylyqtyń, bere­keniń taǵy bir tamasha kórinisi pash etildi. Ol jaqynda ǵana Qazaqstan halqy Assambleıasy músheleri­niń prezıdenttik saılaýdy merzimi­nen buryn ótkizý týraly usynys ­ja­saýy bolatyn. Qaıtalap soqqan dúnıejúzilik qarjy daǵdarysy álemdegi moıny ozyq elderdiń ózin ári-sári kúıge túsirip otyr. Kelesi jyly bizdiń elde parlamenttik saılaý men prezıdenttik saılaý bir jylǵa keletindikten, prezıdenttik saılaýdy bıyl ótkizip jiberýdi Parlament te durys dep tapty. «Kelisip pishken ton kelte bolmas» dep halqymyz beker aıtpaǵan eken. Osy usynys barlyǵymyzdyń da kókeıimizge qonyp otyr. Elbasy Nursultan Nazarbaev el tizginin qolyna alǵan sonaý 90-shy jyldardyń ózinde «aldymen – ekonomıka, sosyn – saıasat» degen qaǵıdany basshylyqqa alǵan bo­latyn. Elbasynyń osy dana saıa­saty óziniń jemisin berdi. Shırek ǵasyrǵa tolmaıtyn ýaqytta Qazaqstan ekonomıkasy bıikke órledi, Saryarqanyń tósinde totydaı taranyp Astana tur. О́tken jyly elimizde Údemeli ındýstrııalyq-ınnovasııalyq mem­lekettik baǵdarlamasynyń birin­shi besjyldyǵy aıaqtaldy. Bes jyl­dyń ishinde qanshama is bitti de­seńshi! Basqany bylaı qoıǵanda, Qos­tanaıda keremet jobalar júze­ge asty. Mashına jasaý damydy. Qostanaı óńirinde alǵash ret daıyn ónim óndirý, ıaǵnı uqsatý isi shı­kizat óndirisin basyp ozdy. Bilim sala­synda da ozyq ádistemeler men tehnologııa engizildi. Qarjy daǵ­darysy búıirden syǵyp tur­ǵanda da elimizde áleýmettik baǵdar­lamalardyń shekesi buzylǵan joq. Elbasy Nursultan Nazar­baevtyń ótken jyly Qazaqstan halqyna joldaǵan «Nurly Jol – bolashaqqa bastar jol» Joldaýynda damýdyń dara joldary kórsetilgen. Joldaýda aıtylǵan qadaý-qadaý máseleler sheshimin tapqan kezde elimizdiń damý qadamy qaryshtaı túsetin bolady. Sonymen qatar, Eýrazııalyq ekonomıkalyq odaq jumysy kedir-budyrsyz jolǵa túsýi tıis. Elimiz dúnıejúzilik saýda uıymyna enetin ýaqyt ta alys emes. Elbasymyz Nursultan Nazar­baev osy máselelerdiń barlyǵyn óziniń ekonomıkalyq saıasatynda bastaǵan bolatyn. Sonymen qatar, halyqaralyq jaǵdaıdyń da qarjy-ekonomıkalyq daǵdaryspen qosarlanyp, qylpyldap turǵan jaǵdaıy bar. Sondyqtan ótkelde at aýystyrmaǵanymyz abzal. Osy sebepti bizdiń bilim ordasynyń ujymy saılaýdyń bıyl ótkizil­genin qoldaıdy.

Qýat BAIMYRZAEV, Qostanaı pedagogıka ınstıtýtynyń rektory, professor. QOSTANAI.

Qıyndyqtan Nazarbaev shyǵarady

Shymkenttegi «Ardagerler úıin­de» oblystyq ardagerler keńe­si, «Yrys aldy – ynty­maq» forýmy men Qazaqstan Ja­zý­shylar odaǵy OQO fılıa­ly­nyń uıymdastyrýymen jıyn ótti. Oǵan oblys jáne qala, aýdan ardagerleri, zııaly qaýym, BAQ ókilderi qatysty. Munda pre­zıdenttik saılaýdy mer­zimi­nen buryn ótkizý máselesin kó­ter­gen Qazaqstan halqy Assam­bleıa­synyń bastamasy talqy­landy. Oblystyq ardagerler keńe­siniń tóraǵasy Jeńisbek Máý­lenqulov álemdi sharpyǵan daǵ­da­rys pen biraz memleketti qam­tyǵan geosaıasat jaǵdaıynda durys tańdaý jasaý kerektigin, Memleket basshysy Nursultan Nazarbaevtyń eldi osy tyǵy­ryq­tan aman-saý alyp shyǵatyn­dyǵyna senetindigin aıtty. «Elbasynyń bastaýymen «Qazaq­stan-2050» Strategııasy, ÚIID baǵ­darlamasy, «Nurly Jol – bo­lashaqqa bastar jol» Jol­daýy syndy uzaq merzimdi baǵ­dar­lamalar qabyldanǵan. Osy­ndaı sátti memlekettik isti aıaǵyna jetkizetin Elbasy Nur­sul­tan Nazarbaev», – dedi ol. Jıyn­ǵa qatysýshylardy saılaý­dy merziminen buryn ótkizýdi qoldaýǵa shaqyrdy. Belgili jazýshy, «Yrys aldy – yntymaq» forýmynyń hatshysy Marhabat Baıǵut: «Elbasy «Qazaqstan-2050» Strategııasynda eldiń ekonomıkalyq jaǵdaıyn taldaı kele, 10 qaterdi sanap turyp kórsetken. Búginde sol qaýip­ti jahan sezinip jatyr. Nur­sultan Ábishuly sondaı jaǵdaıda ne isteý kerek, qandaı sheshimder qa­byldanatynyn tolyq, jan-jaq­­ty, tereń taldap, yqtımal jol­dar­dy kórsetti. Bizdiń mem­le­ket­tiń daǵdarys tolqynyn aıtar­lyqtaı sezinbeýin aldyn alǵan memlekettik baǵdarlamalar jár­demdesti. Yntymaq – Qazaq eli­niń máńgilik strategııasy. Qazir­gi­deı qıyn jaǵdaıda Elbasy tóńi­re­gin­de toptasýymyz, saılaýdy mer­zi­mi­nen buryn ótkizýimiz kerek», – dedi. Eńbek ardageri «Qurmetti qurylysshy» Aldanazar Qur­man­baev sóziniń qorytyndysynda Ońtústiktegi qurylysshylardyń saılaýdy merziminen buryn ótkizýdi quptaıtynyn, N.Na­zar­baevtyń kandıdatýrasyn bir­aýyz­dan qoldaıtyndyqtaryn aıtty. Aýdan, qala ardagerler keńes­teri atynan sóz alǵan Saıram aýda­ny ardagerler keńesiniń tóraǵa­sy Álibek Beınazarov: «О́te jaýapty kezeńde turmyz. Qazaq­stan halqy Assambleıasyna rahmet. Bastamany barlyǵymyz quptaımyz», – dedi. Qazaqstan Jazýshylar odaǵy OQO fılıalynyń tóraǵasy, belgili aqyn Baqytjan Aldııar, Uly Otan soǵysynyń ardageri Aıjan Beınazarov, taǵy basqa azamattardyń pikiri Qazaqstan halqy Assambleıasy Keńesiniń bas­tamasymen úndesip jatty.

ShYMKENT.

Tolyq qoldaımyz

Elbasynyń sarabdal saıasa­tynyń nátıjesinde elimizde beıbitshilikpen qoǵamdyq kelisim qalyptasyp otyr. Ony saqtaý jáne nyǵaıtý bizdiń damýymyzdyń eń basty sharty desek te bolady. Qazirgi álemdik daǵdarys jaǵ­daıynda memleketimizde jınalǵan qarajat osyn­daı jaǵdaıda áleý­mettik salany qalypty kúıde ustap, ekonomıkalyq daǵda­rystan alyp shyǵýǵa baǵyttalǵan Elbasynyń «Nurly Jol» baǵdarlamasyn búkil álem jurt­shylyǵy qyzyǵýshylyqpen qabyldap otyr. Ony júzege asyrýdy el birligi men memlekettik turaqtylyqtyń mańyzy kúnnen-kúnge arta túsýde. Sondyqtan, Assambleıa Keńesiniń merziminen buryn prezıdenttik saılaý ótkizý jónindegi bastamasyn bizder, Almaty oblysynyń jurtshylyǵy tolyq qoldaımyz. Bul bastama da taǵdyrly sátte kóterilip otyr. Assambleıa alǵashqy quryl­ǵan kúninen bastap Elbasy saıasatynyń tiregine aınalǵany belgili. Tarıhymyzdaǵy sheshýshi sátterde Assambleıadan shyqqan bastamalar eldiń qoldaýyn taýyp, búgingi kúni óziniń durystyǵyn dáleldep otyr. Atalǵan usynys ta halyqtyń kókeıindegisin dóp basqandyǵyn atap ótkenimiz jón.

Vladımır LI, «Qazaqstan koreıleri qaýymdastyǵy» QB Taldyqorǵan óńirlik fılıalynyń tóraǵasy. Almaty oblysy.

Bul – zor jaýapkershilik

Saılaý degenimiz asa ma­ńyzdy ári jalpyhalyqtyq másele, ekinshiden, bul – zor jaýapkershilik. Qazirgi kúrdeli kezeńde Prezıdentke erekshe jaýapkershilik artylady. Sondyqtan Nursultan Nazarbaevty qazir qoldaýdyń mańyzy úlken dep oılaımyn. Osynaý kúrdeli kezeńdi Qazaqstan durys ótkizýi kerek. Eldi saqtaýǵa, halyqty áleýmettik jaǵynan qoldaýǵa umtylǵan jón. Ýaqytsha daǵ­darysty, qıyndyqty eń­seremiz dep oılaımyn. Sondaı-aq, damý barysynda, mine, elimizde aýqymdy túrde «Qazaqstan-2050» Strategııasy, ındýstrııalyq-ınnovasııalyq damý baǵ­dar­lamalary júzege asyrylyp jatyr. Bul, eń aldymen, Elbasynyń eńbegi. Sol sebepti, Elbasy aldaǵy ýaqytta damý dańǵylyndaǵy Qazaqstandy kelesi bir ótkelekten sátti ótkizip qana qoımaı, áleýmettik-ekonomıkalyq jańǵyrý jáne halyqtyń ál-aýqatyn arttyrý baǵytyndaǵy bastamalaryn nátıjeli túrde júzege asyrady dep oılaımyz. Bul saılaýdy ótkizý qo­ǵamdaǵy ultaralyq jáne konfessııaaralyq kelisimdi nyǵaıtýǵa da yqpal eter edi. Biz halyqtyń mundaı usynysty qoldaıtyndyǵyna senimdimiz. Qazirgi álemde kúrdeli qarjy-ekonomıkalyq daǵdarys oryn alyp turǵan kezde mundaı úndeýdiń búgingi ýaqyt talabynan týyndaǵany kúmánsiz. Sondyqtan, Prezıdentimiz Nazarbaevqa jańa senim mandatyn bereıik. Elimiz órkendeı bersin, ulttar yntymaǵy ­jarasyp, memleket damý­dyń jańa deńgeıine kóterilsin. Álemdi ıadro­lyq qarýsyzdandyrýǵa Elbasymen birge kiriseıik degim keledi.

Sultan KARTOEV, «Nevada-Semeı» halyqaralyq antııadrolyq qozǵalysynyń vıse-prezıdenti, Semeı qalalyq kommersııalyq emes uıymdar qaýymdastyǵynyń prezıdenti, «Qurmet» ordeniniń ıegeri. SEMEI.

Eldik maqsatqa qyzmet

О́tken aptada Astanada bolǵan Beıbitshilik jáne kelisim saraıynda Qazaqstan halqy Assambleıasy Keńesiniń otyrysyna men de qatystym. Osy bir tarıhı, saıası mándi oqıǵaǵa kelgender qatarynda Parlament depýtattary, respýblıkalyq etnomádenı birlestikterdiń, úkimettik emes uıymdardyń jetekshileri, QHA Ǵylymı-saraptamalyq keńesiniń músheleri, BAQ ókil­­­deri boldy. Osy jıyn ómi­rimdegi eń umytylmas sátterdiń biri ǵoı dep oılaımyn. Otyrys barysynda Keńes mú­sheleri biraýyzdan pre­zı­denttik saılaýdy merziminen buryn ótkizý týraly bastama kóterdi. Qory­tyndysynda osyndaı úndeý jarııaladyq. Iаǵnı, Qazaqstan halqy Assam­bleıasynyń osy mańyzdy máse­le boıynsha ustanymyn bildi­rýin Keńes músheleriniń aza­mat­tyq boryshy dep sanaımyn. «Nurly Jol» arqyly «Qazaqstan-2050» uzaq mer­zimdi Strategııasyn júzege asyrý úshin bar kúsh-jigeri­mizdi biriktirý kerek. Biz Elba­syna senemiz. Qazaqstan meniń elim, Otanym deıtin árbir ult ókili dostyqtyń kepiline aınaldy. Ultaralyq kelisimdi saqtap, tynyshtyq pen tatýlyqta, bir maqsat-múdde, eldikti ornyqtyrý jolynda ómir súrýden basqa qandaı baqyt kerek. Elbasy Nursultan Nazarbaevtyń qazaq jerindegi turaqtylyq tuǵyryn berik saqtaý saıasatynyń máni de osynda. Keýdeńdi eliń úshin maq­tanysh sezimi kerneıdi. Demokratııalyq qoǵamnyń joǵary ıdealdaryn qurýǵa umtylý baǵytyn, halyq arasyndaǵy bir-birine degen qurmet pen dostyqtyń, mádenıettiń ózara baılanysyn basqa órkenıetti elder de baǵalaýda. Uzaq jyldar dostyǵy jarasyp, úıi men úıi kórshiles, balalary birge oınap ósken, ózderi birge qyzmettes bolyp, bir jerde ómir súrip kele jatqan, osy jerdi elim dep esepteıtin ózge ult ókilderin ógeısitpeı, ortaq Otanǵa biriktirý egemendikti ornyqtyrýdyń ózindik bir maqsat-múddesine aınaldy. Ulttar dostyǵyn berik ornyq­tyrý joly qalyptasty. Ortaq múddege jumylǵan ynty­maq­­tas­tyq, dostyqty saq­taý saıasa­ty, el ishinde de qoldaý taýyp, nyǵ­aıdy. Otan, táýel­sizdik, turaq­tylyq, turaq­ty da­mý uǵymdary árbir qazaq­stan­dyq­tyń júreginen oryn aldy. Bul kúnderi oblysta bir­neshe ulttyń ókilderi ómir sú­rýde. О́tken ǵasyrlarda osyn­da kelip qonystanyp qal­ǵan orystar, ýkraındar, tatarlar, belorýstar qataryna aýyr jyldardyń zobalańy men taǵdyr tálkegine túsken koreıler, nemister, polıaktar, cheshender, ıngýshtar, karashaılar, balqarlar, taǵy basqalary kelip qosyldy. Kóp ult ókilderi tyń ıgerý jyldary qonys aýdaryp, osy jerdi Otanym dep turyp qaldy. Ortaq Otan tynyshtyǵy, birligi úshin bári birlese atsalysýda. Elbasy bergen tapsyrma­lar aýqymy keń. Bul bizdiń ómir súrip otyrǵan qoǵamdaǵy ultaralyq tatýlyq pen turaq­tylyqty saqtaýǵa, elimizde tu­ratyn barlyq ult ókil­deriniń rýhanı-mádenı órleýi men ósýine qamqor­lyq jasaý, órkenıettik jáne demo­­­kratııalyq normalarǵa súıene otyryp, azamattardyń saıası mádenıetin qalyptastyrý, qoǵamnyń rýhanı damýynyń tujyrymdamalary men baǵdarlamalarynyń jobalaryn daıyndap, olardy júzege asyrýǵa belsene aralasý bolyp tabylady. Jas urpaqty otanshyl­dyq­qa, ósken jerlerin súıýge tárbıeleý, memlekettik til – qazaq tilin oqyp-úırený, ony qurmetteý arqyly ártúrli ult ókilderiniń arasyn odan saıyn­ jaqyndastyrý mindeti tur. Aramyzda qazaq tilin biletin qanshama ózge ult ókilderi júr. Bizge osy dástúrdi, qazaq tiline, qazaq halqyna degen qurmet pen syılastyqty berik saqtaý qajet.

Vıtalıı SVINSISKII, Qazaqstan halqy Assambleıasy oblystyq «Polonııa» etnomádenı birlestiginiń basshysy. Pavlodar oblysy.

Nazarbaev pen Qazaqstan – egiz uǵym

Biz kóptegen etnos ókilderi shoǵyrlanyp, bir kisideı jumyla eńbek etip jatqan Qyzylorda oblysy Qarmaqshy aýdanyndaǵy «III Internasıonal» aýylynyń turǵynymyz. Yrysy men yntymaǵy artqan, berekesi jyl saıyn mola­ıyp kele jatqan aýylymyzda 19 etnos ókili turady. Bizdiń aýyl – úlken Qazaqstannyń kishkentaı kóshirmesi ispetti. Ártúrli ulttyń ókili bolsaq ta, aramyzda alaýyzdyq, kórealmaý­shy­lyq, bir-birin jekkórýshilik sekildi jaman qasıetterdi janymyzǵa jolatqan emespiz. О́ıtkeni, bizdiń Qazaqstan atty keń-baıtaq otanymyzda mundaı keri áreketterdiń bolýy múmkin emes. Elbasy­nyń syndarly saıasatynyń arqasynda birligi jarasqan, tutastyq pen tatýlyqty tý etken irgeli elge aınaldyq. Qazaq halqynyń «Birlik bar jerde, tirlik bar» degen ustanymy bizdiń basty uranymyz! Alys-jaqyn shetelde bolyp jatqan ult jáne dinaralyq janjaldardy kórip otyrmyz. Sondyqtan Qazaqstandaǵy tatý-tátti tirshilik pen jumyla jasalyp jatqan jasampaz jumystarǵa shúkirshilik etemiz. Al osynyń barlyǵy bir ǵana Memleket basshysy Nursultan Nazarbaevtyń eren eńbeginiń jemisi ekenin túsinemiz, bilemiz. Kópetnosty halqymyzdyń birligi men yntymaǵyn nyǵaıtyp, elimizdi álemge tanytyp otyrǵan dara saıasatker Nursultan Ábishuly ustanǵan baǵytty árdaıym qoldap kelemiz. Bolashaqta da Elbasy saıasatyn qoldaı bermekpiz. Sondyqtan Qazaqstan halqy Assambleıasy Keńesiniń elimizde prezıdenttik saılaýdy merziminen buryn ótkizý jónindegi usynysy óte oryndy dep sanaımyz. Sonymen qatar, Memleket basshysy osy usynysty qabyl alyp,  saılaýǵa qatyssa, barsha qazaqstandyqtardyń arman-tilegin oryndar edi. О́ıtkeni, biz Qazaqstandy Nazarbaevtan bólek qaraı almaımyz. Biz úshin bul eki sóz egiz uǵymǵa aınalyp ketken.

Mılııar ARIFOV, «Dostyq-Jer MK» JShS tóraǵasy, oblystyq Qazaqstan halqy Assambleıasynyń múshesi. Qyzylorda oblysy, Qarmaqshy aýdany.

Damýǵa kepil bolar úderis

Senbi kúni Qazaqstannyń Ortalyq kommýnıkasııalar qyzmetinde ótken brıfıngte Qazaqstan avtobıznes qaýymdastyǵy kezekten tys prezıdenttik saılaý ótkizý týraly bastamaǵa biraýyzdan óz qoldaýlaryn kórsetetindikterin jetkizdi. Atalǵan basqosýǵa A.Qusaıynova, S.Ájimuratov, A.Lavrentev, E.Mandıev, A.Dosqojanov jáne baspasóz ókilderi qatysty.

О́zderińizge belgili, Qazaqstan az ýaqyttyń ishinde barlyq álemdik qoǵamdastyqqa tanylyp, ekonomıkanyń kóshbasshysyna aınalyp keledi. Bolashaqty, erteńimizdi oılasaq, osy ıgi bastamanyń bıyl ótýi Qazaqstan úshin utymdy usynys bolar edi, deıdi qaýymdastyq ókilderi. «Búginde avtomobıl salasy qalyp­tasyp úlgerdi deýge tolyq negiz bar. Qaýym­dastyqtyń qyzmeti Qazaqstandaǵy avto­naryqty jəne avtoónerkəsiptik sala­ny qurýǵa baǵyttalǵan. Osyndaı da­myl­syz qarqynnyń arqasynda bul sala damý­dyń jańa belesine kóterilip keledi», dep málimdedi Qazaqstan avtobız­nes qaýymdastyǵynyń múshesi, «Agro­MashHoldıng» saýda úıiniń bas dırektory Serik Əjimuratov. Sondaı-aq, ol Qazaqstan halqy Assambleıasy Keńesiniń bastamasy turaqtylyq pen elimizdiń odan ári damýyna kepil bolatynyna senim bildirdi. Baǵdarlama barysynda sóz alǵan Qazaqstan avtobıznes qaýymdastyǵynyń prezıdenti Andreı Lavrentevtiń sózi de osyǵan saıdy. Prezıdenttik saılaýdyń merziminen buryn ótkizilgenin qoldap, qýattaıtyndaryn aıta kele, ol: «Biz jetken jetistikterimiz ben jeńisterimizdi Memleket basshysy Nursultan Nazarbaevpen tyǵyz baılanystyramyz. Ozyq 30 elmen ıyq tiresip nyq turý úshin saılaýdy bıyl ótkizip jibergenimiz durys», dedi. Qysqasy, joǵarydaǵy aıtylǵan jaılar oryndalǵan jaǵdaıda ǵana, qazaqstandyq avtoóndirýshiler bul tyǵyryqtan shyǵynsyz shyǵarlaryna senimdi ekendikterin jasyryp qalmady. Prezıdenttik saılaýdy tez arada ótkizý jahandyq daǵdarystyń aldyn alýǵa jasalǵan qadam bolatyny barshaǵa aıqyn. Jer dóńgelek, sondyqtan ózgelerge soqqan salqynnyń bizdi de sharpyp ótpesine kim kepil? Elimiz qanshama qıyndyqtardy bastan ótkerdi, biraq kóregen Elbasymyzdyń sarabdal saıasatynyń arqasynda bárin eńserip kelemiz. Bul joly da oryndy bastama óz jemisin beredi degen úmittemiz.

Raýshan TÁÝIRHANQYZY,

jýrnalıst. ASTANA.