Iranda ekonomıkalyq daǵdarys pen ınflıasııa saldarynan týyndaǵan qaqtyǵys basylmaı tur. The Times gazeti eldegi qaqtyǵys kúsheıe tússe Irannyń joǵarǵy rýhanı jáne saıası jetekshisi Álı Hameneı «B» josparyn ázirlep jatyr dep málimdedi. Basylym dereginshe, narazylyqty basý áreketi sátsiz bolsa Álı Hameneı elden ketpek, dep jazady Egemen.kz.
Irannyń rýhanı jetekshisi otbasymen, onyń ishinde uly jáne taǵaıyndalǵan murageri Modjtaba jáne eń jaqyn kómekshilerimen birge Máskeýdi betke alýy múmkin.
Álemdik BAQ málimetinshe, Álı Hameneı osy jospary aıasynda eldegi, sheteldegi múlki men aqshasyn jınaýdy josparlap otyr.
Búginde ol Izraıldiń maýsym aıynda Islam revolıýsııasy Saqshylar korpýsynyń negizgi múshelerin óltirip, Irannyń áýe qorǵanys júıesiniń osaldyǵyn áshkerelegen oqıǵanyń saldarymen kúresip jatyr. Oǵan qosa AQSh eldiń jerasty ıadrolyq nysandaryna soqqy berip, qysymdy kúsheıte túsýde.
Eske salaıyq, Irandaǵy qaqtyǵystar barysynda birneshe adam qaza taýyp, jaǵdaı ýshyǵyp tur.
Iran bıligi elde bastalǵan jappaı úkimetke qarsy narazylyqtarǵa jaýap retinde ınternetke qoljetimdilikti shektedi.
Qaqtyǵys eldiń basym bóligin sharpyp otyr.