Memleket basshysy 2026 jyldy Sıfrlandyrý jáne jasandy ıntellekt jyly dep jarııalaý týraly Jarlyqqa qol qoıdy, dep jazady Egemen.kz Aqordanyń baspasóz qyzmetine silteme jasap.
«Sıfrlandyrýdy odan ári damytý jáne jasandy ıntellektini jappaı endirý maqsatynda QAÝLY ETEMIN:
1. 2026 jyl Sıfrlandyrý jáne jasandy ıntellekt jyly dep jarııalansyn.
2. Qazaqstan Respýblıkasynyń Úkimeti Sıfrlandyrý jáne jasandy ıntellekt jylyn ótkizý boıynsha qajetti sharalardy qabyldasyn.
3. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
4. Osy Jarlyq qol qoıylǵan kúninen bastap qoldanysqa engiziledi», delingen Jarlyq mátininde.
Aıta keteıik, búgin Memleket basshysy Parlamenttik reforma jónindegi jumys keńesin ótkizdi.