Erte qartaıý syrqatyna ushyraǵan Nurjan О́rkeshbaevtyń úılený toıy ótti.
Qyzylqoǵa aýdanynyń Muqyr aýyldyq okrýginde turatyn Nurjan О́rkeshbaevtyń erte qartaıý sındromyna ushyraǵany 2000 jyly anyqtalǵan edi. Sodan beri onyń taǵdyry kópshiliktiń kóz aldynda ótip keledi. Oǵan progerııa (teriniń erte qartaıýy) syrqaty degen dıagnoz qoıylǵan soń birneshe ret em qabyldady. Tipti, oǵan 2011 jyldyń aıaǵynda «Nıssamed» emhanasynda 2 kezeńnen turatyn keshendi kosmetologııalyq operasııa jasaldy.
Jaqynda, dálirek aıtqanda, 7 tamyzda Nurjan О́rkeshbaev Ásemgúl esimdi arýǵa úılenip, shańyraq kóterdi. Úılený toıy Nurjannyń ata-anasy turatyn Muqyr aýylynda ótti. Toıǵa shaqyrylǵan 300-ge jýyq qonaqtyń arasynda reseılik «Pýst govorıat» baǵdarlamasynyń júrgizýshisi Andreı Malahovqa da shaqyrý bıleti jiberilgen edi. О́ıtkeni, budan 4 jyldaı buryn Nurjan О́rkeshbaev atalǵan telebaǵdarlama habaryna qatysty. Sol kezde baǵdarlama júrgizýshisi Andreı Malahov onyń úılený toıyna kelýge ýáde bergen bolatyn. Reseılik telejúrgizýshi qazaq balasynyń toıyna kele alǵan joq. Dál osy ýaqytta shetelde demalysta júrgen ol jas otaý ıelerine arnaıy syılyq joldaıtynyn habarlapty.
Atyraý oblysy.