PETROPAVL. 24 aqpan. Soltústik Qazaqstan oblystyq tártiptik keńesiniń kezekti otyrysynda qalalyq balalar emhanasynyń bas dárigerin qyzmetinen alý jóninde sheshim qabyldandy. Bul týraly egemen.kz tilshisi habarlady.
Tártiptik keńeske balalar emhanasynyń basshysy Olga Áshimovany jaýapkershilikke tartý máselesin prokýratýra organy túsirgen. 56 adam qol qoıǵan shaǵymda bas dárigerdiń mańaıyna týystaryn, tamyr-tanystaryn jınap alyp, kásibı sheberlikteri jetispese de, birqatar artyqshylyqtar jasaǵan. Máselen, qyzdary men kúıeý balalaryn «jyly-jumsaqqa» orap, mekeme ishinen eki býfet ashyp bergen. Basqa da bura tartýshylyqtar oryn alǵan.
O.Áshimovanyń sybaılas jemqorlyqpen kúres týraly zańnamalardy óreskel buzǵanyn, qyzmet babyn asyra paıdalanǵanyn tártiptik keńes músheleri jerine jetkize aıtyp, prokýratýranyń usynysyn qoldady.
О́mir Esqalı.
Derek: egemen.kz.
Sýret: infoportal.kz.