Almatyda 6,8 myńnan astam jas psıhologııalyq kómek pen keńes aldy. Bul týraly qalanyń Jastar saıasaty basqarmasy ókilderi aıtty, dep jazady Egemen.kz.
Atalǵan jumys qalalyq baǵdarlamalar aıasynda júrgizilip, emosıonaldyq kúızelistiń aldyn alýǵa, mazasyzdyq pen kúızelis deńgeıin tómendetýge, sondaı-aq ómirlik jáne kásibı syn-qaterlerge beıimdelý men ózin-ózi retteý daǵdysyn qalyptastyrýǵa baǵyttalǵan. Ásirese, áleýmettik turǵydan osal sanattaǵy jastarǵa, stýdentterge, jumys isteıtin jastarǵa jáne NEET sanatyndaǵy ókilderge erekshe kóńil bólinedi.
Psıhologııalyq qoldaý qalanyń komıýnıtı ortalyqtary, bilim berý uıymdary jáne arnaýly keńes berý alańdary arqyly kórsetiledi. Jastar jeke jáne toptyq keńes alyp, stressti basqarý boıynsha trenıngten ótedi, emosıonaldyq ıntellektti damytýǵa arnalǵan vorkshoptarǵa jáne mentaldy densaýlyq taqyrybyndaǵy bilim beretin kezdesýlerge qatysady.
Jastardy keshendi qoldaý aıasynda jumyspen qamtý máselsi boıynsha da jumys kúsheıtildi. Jyl basynan beri 10,8 myńnan astam almatylyq jas jumysqa ornalasý, kásibı baǵdar berý jáne mansaptyq daǵdyny damytý jóninde keńes aldy. Bul qyzmetterge túıindeme jasaý, áńgimelesýge daıyndyq jáne ózekti bos jumys oryndaryn irikteý kiredi.
Jastardy keshendi qoldaý aıasynda olardy jumyspen qamtý boıynsha da jumys kúsheıtildi. Jyl basynan beri 10,8 myńnan astam almatylyq jas maman jumysqa ornalasý, kásibı baǵdar jáne mansaptyq daǵdyny damytý boıynsha keńes aldy. Bul qyzmetterge túıindeme ázirleý, suhbatqa daıyndalý jáne jarııalanǵan bos jumys oryndaryn qarastyrý sekildi baǵyttar kiredi.
«Psıhologııalyq ál-aýqat – jastardyń turaqty damýynyń negizi. Bizdiń mindetimiz – kómekti qoljetimdi, ýaqytyly ári túsinikti etý. Árbir jas óz qıyndyqtarymen jalǵyz qalmaıtynyn bilýge tıis», dedi Almaty qalasy Jastar saıasaty basqarmasynyń basshysy Azız Kajdenbek.
Almaty