QARAǴANDY. 12 mamyr. Qaraǵandy qalasynda janjaldasýshy top arasynda atys bolyp, sonyń saldarynan úsh adam jaraqat alyp qaldy. Bul týraly oblystyq ishki ister departamenti baspasóz qyzmetiniń deregine súıengen egemen.kz tilshisi habarlady.
Oqys oqıǵa 11 mamyr kúni bolǵan. Sol kúni 23 jastaǵy polısııa qyzmetkeri Samat Ysqaqov úıine qaıtyp kele jatyp, kóshede kerildesip turǵan bir top adamdy baıqap qalady. «Ústimde qyzmettik formam bar edi. Jaqyndap kele jatqanymdy kórgen eki jigit qashyp ketti. Qolynda qarýy bar olardyń biri birneshe ret oq atty», - dedi polısııa serjanty bolǵan oqıǵa jaıynda.
Quqyq qorǵaý organdary qyzmetkeriniń aıtýynsha, sodan keıin de janjal bolǵan jerde eki jigit qalǵan. Olardyń bireýiniń qolynda «Osa» travmatıkalyq tapanshasy bolypty.
«Jaralanǵan er adam polıseıdiń basyna qarý taqap, odan aralaspaýyn talap etken. Samat qorǵanys sharalaryn paıdalanyp, er adamnyń qolynan qarýyn qaǵyp túsirgen. Tapansha jerge túse salysymen, er adam qasynda turǵan kólikke qaraı júgirgen», - dedi oblystyq ishki ister departamentindegiler.
Osynyń artynsha serjant polısııaǵa habar berdi. Ol betine oq tıgen 20 jasar jigitti polıseıler kelgenshe kúzetip turǵan. «Biraz ýaqyt ótkennen keıin polıseıler «Osa» tapanshasynan oq atqan 34 jastaǵy er adam men 39 jastaǵy onyń dosyn ustady. Olar qaladaǵy aýrýhanalardyń birinde ustaldy. Eki er adam da jaralanǵan», - dedi polıseıler. Qazir bolǵan oqıǵanyń mán-jaıy anyqtalyp jatyr.
Aıqyn Nesipbaı.
Derek: Qaraǵandy oblystyq ishki ister departamentiniń baspasóz qyzmeti.
Sýret: tengrinews.kz.