ASTANA. 12 mamyr. Fýtboldan 2018 jyly Reseıde ótetin álem chempıonatynda násilshildikpen kúres qatań júrgiziletin boldy. Osy maqsatta FIFA jańa júıeniń tusaýyn kesti. Bul týraly interfax.ru habarlady.
Jańa erejege sáıkes, oıyn barysynda jol berilgen kemsitýshilikterdi tirkep otyratyn arnaıy baqylaýshylar jumys isteıdi. Nátıjesinde FIFA ókilderi anyqtaǵan keleńsizdikter matchtyń hattamasyna tirkeledi. Soǵan sáıkes kináli tarap jazalanatyn bolady.
Jańa júıeniń tusaý kesý rásimine Afrıka qurlyǵynyń ókili, Kot d-Ivýar quramasy men Anglııanyń «Manchester Sıtı» komandasynyń oıynshysy Iаıa Týre qatysty. Bul fýtbolshy birneshe jyl buryn Máskeýdiń SSKA-synda oınap júrgen kezinde násiline baılanysty jankúıerler tarapynan talaı márte kemsitýge ushyraǵan edi.
Aıta keteıik, 2018 jylǵy álemdik dop dodasy Reseıdiń 11 qalasynda ornalasqan 12 stadıonda ótedi. Fýtbol toıy ótetin qalalar: Máskeý, Sankt-Peterbýrg, Kalınıngrad, Qazan, Volgograd, Nıjnıı Novgorod, Samara, Saransk, Ekaterınbýrg, Rostov jáne Sochı.
Elaman Qońyr.
Derek: interfax.ru.
Sýret: fifa.com.