QYZYLORDA. 12 tamyz. Qyzylordada bir aı kóleminde fýtboldy damytýdyń Jol kartasy jasalady. Bul týraly oblys ákimi Qyrymbek Kósherbaev «Qaısar» fýtbol klýbymen kezdesýinde aıtty, dep habarlady egemen.kz tilshisi.
Jıyn barasynda aımaq basshysy tıisti sala basshylaryna bir aı kóleminde fýtboldy damytýdyń Jol kartasyn daıyndaýdy tapsyrdy. Onda «Qaısardyń» namysyn qorǵaıtyn balalardyń eýropalyq fýtbol akademııalarynda tálim alý máselesin qarastyrý qajettigin aıtty. Mamandar endi osy baǵytta jumys jasaıdy. Negizinde óńirde fýtboldy damytýǵa baılanysty 2020 jylǵa deıin josparlanǵan arnaıy baǵdarlama bar. Onda stadıon salý, ınfraqurylym máselelerin sheshý qaralǵan bolsa, Jol kartasynyń artyqshylyǵy balalar fýtbolyna mán berilmek.
Qyzylordanyń «Qaısaryna» jańa bapker keldi. Endi Syr aıaqdopshylaryn reseılik maman Fedor Sherbachenko jattyqtyratyn bolady. Ol «Kýban», «Tom», «Moskva», «Baltıka», «Gýbkın», «Mordovııa», «Rotor» syndy komandalardyń tizginin ustaǵan. Jańa bapker ózine usynys bildirip, shaqyrtý alǵanyna rızashylyǵyn bildirdi.
Erjan Baıtiles.
Derek: egemen.kz.
Sýret: baq.kz.